Zbulohen dy alternativat e Man Utd për sulmin pasi dështoi opsioni Gyokeres

Manchester United i ka vendosur synimet e tyre në dy objektiva për afatin kalimtar veror, pasi transferimi i Viktor Gyokeres duket se ka pak gjasa që të ndodhë. 

26-vjeçari ka qenë njëri ndër sulmuesit më ‘vdekjeprurës’ në Evropë këtë sezon, pasi ka realizuar 34 gola dhe ka bërë shtatë asistime gjatë kohës sa Ruben Amorim ishte në krye të Sporting Lisbonës. 

Si rezultat i këtyre paraqitjeve fantastike, ai ka tërhequr interesim nga disa klube të ndryshme angleze duke përfshirë Arsenal dhe Manchester United. 

Sidoqoftë, sipas një raportimi nga The Athletic, transferimi i tij në ‘Old Trafford’ ka shumë pak mundësi të ndodhë. 

Lexo po ashtu Ruben Amorim nuk është aq i afërt me lojtarët e Manchester United sa ishte Erik ten Hag

Gyokeres i cili ka një klauzolë lirimi prej 100 milionë eurosh thuhet se preferon t’i bashkohet një ekipi që bën gara në Ligën e Kampionëve. 

Por me kë do të tentojnë ata të nënshkruajnë tani? The Athletic pretendon se klubi ka dy emra në mendje. 

United ka qenë duke e përcjellë vazhdimisht sllovenin Benjamin Sesko, të cilin po ashtu e do edhe Arsenali. 

Një tjetër blerje e verës për ‘Djajtë e Kuq’ mund të jetë Liam Delap, i cili ka realizuar nëntë gola në Ligën Premier në 23 ndeshje të luajtura këtë sezon. 

22-vjeçari e nisi në akademinë e Manchester Cityt karrierën si futbollist, duke luajtur pastaj si huazim në tri klube – Stoke City, Hull City dhe Preston North End, para se të bëhej pjesë e Ipsëichit në verën e vitit 2024. 

Kontrata e tij aktuale skadon në qershor të vitit 2029 dhe sipas Transfermarkt kartoni i tij kap vlerën e 20 milionë eurove./Telegrafi/