Blendi Fevziu: Kosova votoi në mënyrë spektakolare, një leksion shumë i fortë për Shqipërinë

Kosova votoi dje (e diel) për zgjedhjet parlamentare 2025, një proces që u mbyll në mënyrë demokratike, e pa incidente – ku të gjitha partitë në fund nuk kontestuan rezultatin përfundimtar.

Në mesin e personave që e vlerësuan këtë në mënyrë publike, është edhe gazetari i njohur nga Shqipëria, Blendi Fevziu, i cili nëpërmjet një video të publikuar në rrjetet sociale të tij, tha se Shqipëria duhet të marri mësim nga Kosova.

“Kosova ka votuar dje në zgjedhjet e përgjithshme, të cilat ishin të para të rregullta, pra jo të parakohshme që nga koha e luftës. Në fakt, do doja të nënvizoja tre gjëra. Unë nuk kam dashur të përziem në zgjedhjet e Kosovës”.

Lexo po ashtu Xhamia e shqiptarëve në Damask, Fevziu takon 77-vjeçarin që flet shqip

“E para, Kosova votoi në mënyrë spektakolare, siç ka votuar gjithmonë. Që prej fillimit të votimit të lirë në vitin 2000. Nuk ka kontestime, nuk ka sharje, nuk ka fyerje, nuk ka manipulime, të gjitha palët pranojnë rezultatin e zgjedhjeve dhe kjo është një pjekuri politike e jashtëzakonshme”.

“E dyta është një leksion po ashtu shumë i fortë për Shqipërinë, që prej 30 vjetësh duket sikur nuk bën zgjedhje dhe zgjedhjet kontestohen. E dyta, në zgjedhjet e Kosovës duhet të themi diçka: u rikthye në normalitetin politik të saj”.

“Pra, kur asnjë parti politike nuk e dominon skenën me 50 për qind, por partitë janë detyruar të bëjnë koalicione. Pra, një lloj anomalie ishin zgjedhjet e vitit 2021, kur një forcë politike në 25 vjet doli e vetme mbi 50 për qind. Ndërsa, tashmë janë kthyer në formulën klasike”.

“Se si do të ndërtohen koalicionet? Kjo është çështje e partive politike dhe s’më takon mua që ta them”.

Lexo po ashtu 13-vjetori i opinionit të GJND-s, Fevziu: Vizitova Thaçin e të tjerët në Hagë, krenarë që kanë luftuar për lirinë e Kosovës

“Nga ana tjetër duhet thënë një gjë, Lëvizja Vetëvendosje nuk ka dalë në pritshmërinë e saj, por as opozita nuk është aty ku priste. Kështu që të dyja palët kanë pësuar një lloj zhgënjimi”.

“Dhe një gjë është e sigurt, janë të detyruar të bashkëpunojnë, se si do të jetë formula e bashkëpunimit, është çështje e tyre, por sikurse thashë: Kosova votoi në mënyrë perfekte dhe Kosova u kthye në normalitetin e saj politik”.

“Do të qeveriset me koalicion që nga ana demokratike është më mirë se një forcë e vetme”, tha Fevziu. /Telegrafi/

@blendifevziubf Per zgjedhjet ne Kosove dhe rezultatin atje… #blendifevziu #kosova #albania ♬ original sound – blendifevziu