Një sërë stacionesh televizive kanë refuzuar të shfaqin filmin horror “The Monkey” për shkak të dhunës së tepruar

Traileri i filmit të ri horror “The Monkey” u bazua në librin e Stephen King dhe ishte planifikuar të fillonte të shfaqej në kinema në fund të këtij muaji.

Megjithatë, kompania e prodhimit Neon zbuloi se katër stacione televizive refuzuan të shfaqnin trailerin për shkak të dhunës së tepërt.

“Ne e dërguam trailerin e ‘The Monkey’ në katër stacione televizive, por nuk shkoi mirë”, ka shkruar Neon.

We submitted a TV spot for THE MONKEY to the four major TV networks. It did not go well. pic.twitter.com/zN3EWLp34k

— NEON (@neonrated) January 29, 2025

Përveç kësaj, ata publikuan pamjet e emaileve që morën duke shpjeguar pse u refuzua traileri. Në përgjigjen e parë thuhej se traileri nuk do të lejohej në asnjë program për shkak të dhunës së tepruar.

Një tjetër stacion televiziv sugjeroi të bënte një traileri të ri me më pak skena dhune, ndërsa një i tretë tha se traileri, edhe me të gjitha kufizimet, nuk ishte i përshtatshëm. Ky njoftim ngjalli një sërë reagimesh nga teleshikuesit, të cilët besojnë se situata është një mundësi e mirë për të promovuar filmin.

“Jepini një bonus ekspertit të marketingut që e ka shpikur këtë”, “Filmi do të jetë një hit i madh”, “Askush nuk bën një punë më të mirë për marketingun e filmit sesa kjo kompani prodhuese”, ishin vetëm disa nga komentet nën postim.

Filmi “The Monkey” është i bazuar në historinë e vitit 1980 me të njëjtin emër të Stephen King. Skenari flet për vëllezërit binjakë Hal dhe Bill, të cilët gjejnë një kukull të vjetër majmun në papafingo që i përkiste babait të tyre. Rreth tyre fillojnë të ndodhin vdekje të tmerrshme, duke bërë që binjakët të vendosin të hedhin kukullën. Së shpejti, megjithatë, ndodhin vdekje të reja dhe Hal dhe Bill vendosin të shkatërrojnë kukullën e mallkuar përgjithmonë.

Regjisor i filmi është Osgood Perkins dhe në të luajnë aktorët: Theo James, Tatiana Maslany, Elijah Wood, Colin O’Brien, Rohan Campbell, Sarah Levy, Adam Scott dhe Oz Perkins. Filmi ka një vlerësim pozitiv 91% në faqen e vlerësimit të filmave, Rotten Tomatoes. /Telegrafi/