Shakira ‘i vë flakën skenës’ në ndarjen e çmimeve Grammy me kërcimin e saj të famshëm: U rikthye me performancë në ceremoni pas 18 vitesh

Ylli kolumbian, Shakira, fitoi çmimin për ‘albumin më të mirë të vitit në latin’ në ndarjen e çmimeve Grammy dhe në të njëjtën kohë e ndezi atmosferën në ceremoni me një performancë të zjarrtë që përfshinte kërcimin e famshëm të barkut.

Shakira u shfaq në skenën Grammy 18 vjet pas performancës së saj të mëparshme, dhe performoi një përzierje të dy prej këngëve të saj – hitin e vjetër të vitit 1998, “Ojos Asi” dhe “Las Mujeres Ya No Lloran”, i cili u përfshi në albumin e të njëjtin emër për të cilin fitoi çmimin.

Ajo e hapi performancën me një kërcim që shoqëroi këngën “Ojos Asi” me pjesë të koreografisë së njohur nga koncertet.

Këngëtarja shkëlqeu e veshur me një komplet prej dy pjesësh ari vezullues, të kompletuar me ngjitëse floriri në bark.

Lexo po ashtu Jennifer shkëlqen me një veshje provokuese para çmimeve 'Grammy'

Më parë ajo fitoi çmimin për ‘albumin e vitit’, që ia dha Jennifer Lopez.

Gjatë fjalimit, Shakira ia kushtoi çmimin “të gjithë vëllezërve dhe motrave tona emigrantë në këtë vend”.

Shakira theksoi angazhimin e saj ndaj komunitetit të emigrantëve në ShBA, duke thënë: “Unë gjithmonë do të luftoj me ju”.

Fjalimi i saj vjen ndërsa Trump ngjall frikë në shumë komunitete emigrantësh në ShBA me dëbime masive në të gjithë vendin. /Telegrafi/

Watch Shakira’s full performance at the #GRAMMYs – featuring an exclusive medley of Ojos Así & Bzrp Music Sessions! pic.twitter.com/GQ2Hi49BWM

— ShakiraMedia (@ShakiraMedia) February 3, 2025