Vëllezërit italianë trafikonin makina luksoze në Shqipëri, arrestohet njëri prej tyre

Policia ka arrestuar një shtetas italian në Tiranë dhe ka proceduar penalisht vëllain e tij, pasi akuzohen se trafikonin makina luksoze nga Italia drejt Shqipërisë.

Policia sekuestroi edhe dy automjete, “Audi Q3” dhe “BMW X6”, prodhime të viteve të fundit, me vlerë rreth 150,000 euro.

Në kuadër të operacionit është arrestuar shtetasi italian D. S., 37 vjeç, banues në Itali, si dhe nisi procedimi në gjendje të lirë për shtetasin F. S., banues në Itali.

Nga hetimet ka rezultuar se këta 2 shtetas, në bashkëpunim me njëri-tjetrin, kanë trafikuar në Shqipëri, automjete të vjedhura, kryesisht në Itali.

Në cilësinë e provës materiale janë sekuestruar 2 automjete, tip “Audi Q3” dhe “BMË X6”, prodhime të viteve të fundit, me vlerë rreth 150 000 euro.

Në bashkëpunim me Prokurorinë, vijon puna për të zbardhur raste të tjera të trafikimit të mjeteve, që mund të kenë kryer këta shtetas.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme. /Telegrafi/