Osmani: Presidenti historik Rugova ishte politikan i jashtëzakonshëm, ishte zëri i Kosovës në botë e ndërtoi aleanca

Presidentja e vendit, Vjosa Osmani dhe përfaqësues të korit diplomatik në vend kanë bërë sot homazhe tek varri i Presidentit Ibrahim Rugova në 19-vjetorin e vdekjes.

Osmani në një deklaratë për media tha se presidenti Rugova ishte largpamës, politikan i jashtëzakonshëm që politikës i solli dimensionin human të saj, që i mungonte.

“Dua t’i falënderoj përqafuesit e kroit diplomatik që edhe sot sikur çdo vit u bashkuan në nderim të presidenti Rugova që dha kontributit të jashtëzakonshëm në ndërtimin e themeleve të forta të shtetit tonë në një kohë jashtëzakonisht të rëndë të popullit tonë, kur rrezikoj shfarosja e popullit të Kosovës.

Në atë kohë presidenti Rugova jo vetëm që bëri bashkë të gjithë qytetarët e Kosovës rreth kauzës për liri, pavarësi e demokraci, por njëkohësisht u bë zëri i Kosovës në botë duke ndërtua aleanca të fuqishme të cilat na u deshtën më së shumti pikërisht në ato kohë të vështira që rezultuan me intervenimin e NATO-s, i cili edhe ndihmoi çlirimin e Kosovës dhe pastaj mbështetja e këtyre shteteve mike ndihmoi në pavarësimin e vendit tonë”, tha Osmani.

Ajo tutje tha se vizioni i presidentit të Kosovës ishte largpamës, ishte politikan i jashtëzakonshëm që i solli politikës dimensionin human të saj, që mungonte për një kohë të gjatë.

“Prandaj, mbetet jo vetëm shembull i vizionit dhe politik-bërjes në Kosovë, por edhe kudo që shkojmë në botë”, tha Osmani.

Presidentja e vendit tutje tha se presidentit historik Ibrahim Rugova do t’i jenë përjetësisht mirënjohës për kontributin e tij që do të shërbejë si udhërrëfyes për të gjithë. /Telegrafi/