Cilët aleatë evropianë të Trumpit do të marrin pjesë në ceremoninë e inaugurimit të tij?

Miqtë evropianë të Donald Trump kanë pranuar ftesat për një ulëse në inaugurimin e sotëm të presidentit të 47-të të SHBA-ve.

Donald Trump betohet sot dhe politikanët evropianë do të dëgjojnë me vëmendje fjalimin e tij inaugurues të mandatit të dytë.

Ndërsa disa nga aleatët e tij politikë do të marrin pjesë personalisht.

Bëhet e ditur se deklaratat e Trumpit që nga fitorja e tij në zgjedhje më 5 nëntor kanë ngritur shqetësime në Evropë për shpejtësinë me të cilën do të kërkohet një rritje e kontributeve nga vendet anëtare të NATO-s dhe se sa shpejt dhe me çfarë kosto mund të vijë një marrëveshje paqeje mbi konfliktin e Ukrainës.

Donald Trump gjithashtu habiti evropianët duke njoftuar se donte të blinte Grenlandën, një territor danez, duke mos përjashtuar mundësinë e përdorimit të forcës.

Edhe pse krerët e shteteve dhe qeverive zakonisht nuk përfshihen në listën e të ftuarve të ceremonisë së inaugurimit të presidentëve amerikanë, presidenti i Argjentinës Javier Milei është i ftuar dhe do të marrë pjesë së bashku me presidentin ekuadorian Daniel Noboa.

Presidenti kinez Xi Jinping është gjithashtu i ftuar, por do të përfaqësohet nga zëvendëspresidenti Han Zheng.

Në Evropë, drejtuesit e institucioneve kryesore evropiane nuk janë ftuar, por e pranishme do të jetë përfaqësuesja e BE-së në SHBA, Jovita Neliupsiene.

Gjithashtu, pritet një tubim i madh i politikanëve evropianë të djathtë dhe eurodeputetëve në Uashington.

Kryeministrja e Italisë, Georgia Meloni, e cila së fundmi vizitoi Trumpin në klubin e tij të golfit Mar-a-Lago, është në listën e të ftuarve dhe e konfirmoi pjesëmarrjen e saj.

Ish-kryeministri polak dhe presidenti i ECR Mateusz Morawiecki, ka thënë se do të marrë pjesë në ceremoni, si dhe lideri i Vlaams Belang të Belgjikës, Tom Van Grieken, Eric Zemmour, lideri i partisë nacionaliste franceze Reconquete, Tino Chrupalla, bashkëdrejtues i Partisë Alternativa për Gjermaninë (AfD), presidenti i partisë Vox i Spanjës, Santiago Abascal dhe Nigel Farage lider i partisë së ekstremit të djathtë Reforma në Mbretërinë e Bashkuar.

Ambasadori gjerman në Uashington Andreas Michaelis, do të marrë pjesë në inaugurim në emër të qeverisë federale, sipas zëdhënësve të qeverisë.

Nga pala gjermane merr pjesë edhe zëdhënësi i politikës së jashtme të CDU-së, Jurgen Hardt.

Gjithsej 13 deputetë nga The Patriots, ECR dhe Europe of Sovrane Nation, duke përfshirë eurodeputetë nga VOX spanjoll, Fidesz hungarez, French Rassemblement National, AFD gjermane, ANO çeke, Fratelli d’Italia italiane, PiS polake, Dom i nacionalno okupljanje nga Kroacia dhe Aleanca Kombëtare nga Letonia.

Ndryshe, javën e kaluar një zëdhënës i Viktor Orban konfirmoi se kryeministri hungarez nuk ishte ftuar.

Manjatët e Silicon Valley do të marrin pjesë gjithashtu në inaugurimin e Trumpit, së bashku me ish-presidentët amerikanë, senatorët dhe anëtarët e Dhomës së Përfaqësuesve, diplomatë të huaj dhe krerë të shteteve.

Pronari i X, Elon Musk, i cili do të drejtojë Departamentin e Efikasitetit të Qeverisë së SHBA-së, do të jetë atje, si dhe CEO i Meta Mark Zuckerberg, themeluesi i Amazon Jeff Bezos dhe shefat e Alphabet dhe Apple Sundar Pichai dhe Tim Cook.

Siç raportohet, rreth 200,000 njerëz pritet të paraqiten në Uashington për ceremoninë.

Dita e inaugurimit për presidentët amerikanë përbëhet nga disa faza formale, nga një shërbim në Kishën e Shën Gjonit, sheshin Lafayette, një kishë historike në Uashington DC, deri në tre ballo inauguruese në të gjithë qytetin ku pritet të flasë presidenti i ri.

Performanca muzikore do të zhvillohet në skenën kryesore në Kapitolin e SHBA-ve, përpara betimit të Donald Trump dhe zëvendëspresidentit të zgjedhur J.D Vance, si dhe fjalimit inaugurues të presidentit të 47-të. /Telegrafi/