Imazhet nga hapësira tregojnë shtrirjen e zjarrit në Los Angeles

Los Angeles dhe rrethina e këtij qyteti në SHBA prej disa ditësh po luftojnë zjarret shkatërruese, në të cilat humbën jetën të paktën dhjetë persona dhe më shumë se 179 mijë u evakuuan.

Fotot e bëra nga Stacioni Ndërkombëtar i Hapësirës tregojnë më së miri se si duket lufta kundër këtyre zjarreve katastrofike.

Mund të shihet se një pjesë e madhe e rajonit të Santa Monica është shkatërruar plotësisht, dhe se ka ende zjarre aktive në disa pjesë më të vogla të kësaj pjese të Los Angelesit.

Po ashtu, pjesët e këtij qyteti amerikan që kufizohen me këtë rajon janë në rrezik dhe në shumë mënyra zjarri që po vazhdon prej tre ditësh e ka shkatërruar plotësisht.

Krahas Santa Monicës, zjarret kanë shpërthyer në rajonet Sylvar dhe Altadena gjatë tre ditëve të fundit.

Siç u shpjegua, këto përmasa të zjarrit janë shkaktuar nga një sërë faktorësh, ndër ta edhe era jashtëzakonisht e fortë që ka ndikuar në përhapjen e shpejtë të zjarrit.

Zjarrfikësit në Los Angeles po përballen me probleme të mëdha me rehabilitimin e zjarreve për faktin se në këtë pjesë të SHBA-së po mbaron ndjeshëm uji.

Zjarret shkaktuan gjithashtu beteja politike midis guvernatorit të Kalifornisë, Gavin Newsom dhe presidentit të ardhshëm të SHBA-së, Donald Trump, i cili e identifikoi këtë politikan si “fajtorin më të madh” për këto zjarre katastrofike. /Telegrafi/