Granit Xhaka, MVP i vitit në Zvicër

Granit Xhaka është Lojtari më i Vlefshëm i Vitit 2024 në Zvicër. Ky çmim iu nda mesfushorit shqiptar nga “Sports Awards”, që është një çmim mjaft i rëndësishëm në Zvicër.

Ai edicionin e kaluar fitoi titullin në Gjermani me Bayer Leverkusen, si dhe arriti në çerekfinale të Evropianit me Zvicrën, ku është kapiten.

Në garë për këtë çmim ishin: Kevin Fiala (hokej mbi akull), Lara Heini (floorball), Alina Müller (hokej mbi akull), Lia Wälti (futboll), Granit Xhaka (futboll), Manuel Zehnder (hendboll).

Xhaka kishte një vit të jashtëzakonshëm me Leverkusenin dhe Zvicrën, duke qenë në formë të jashtëzakonshme, derisa kujtojmë se ishte i nominuar për Topin e Artë, duke hyrë në Top 30 më të mirët në botë, derisa përfundimisht u rendit i 16-ti.

“Dëshiroj t’i falënderoj të gjithë: ekipin tim, stafin, trajnerët e mi. Të them të drejtën, nuk jam një adhurues i madh i një çmimi të tillë individual. Sepse, siç thashë, suksesi nuk është i mundur. Ju duhet ekipi, trajnerët dhe stafi i paharrueshëm për mua, për klubin dhe për të gjithë qytetin.

Lexo po ashtu Granit Xhaka nominohet për "Goli i Vitit" - çfarë 'perle'

Kampionati Evropian ishte gjithashtu i pabesueshëm.

Edhe me kombëtaren do të kishim merituar më shumë sesa të eliminoheshim në çerekfinale kundër Anglisë me penallti. A mund të jetë 2025 vetëm më i mirë? Unë shpresoj kështu. Në mars do të bëhem sërish baba”, deklaroi Xhaka online, pasi nuk ishte i pranishëm për të pranuar çmimin. /Albinfo/