Barcelona e qetë për rastin e Dani Olmo – ka dy opsione si të regjistrojë yllin

Barcelona është e qetë për regjistrimet e Dani Olmo dhe Pau Victor, të cilët duhet të riregjistrohen për gjysmën e dytë të sezonit në tetë ditët e ardhshme, ose nuk do të mund të luajnë për pjesën e mbetur të sezonit.

Në rastin e Olmos, kjo do të thotë të jesh në gjendje të largohesh nga klubi falas.

Megjithatë Sport shkruan se nw klub janë të qetë, pasi kanë plane. Sot ata paraqitën një çështje gjyqësore, në të cilën ata pohojnë se e drejta për të punuar për Olmo dhe Victor duhet të tejkalojë çdo rregullore nga liga.

Në sytë e tyre, ata duhet të jenë në gjendje të përdorin pagën e Marc-Andre ter Stegen, të dëmtuar për një kohë të gjatë, për të regjistruar Olmon dhe Victor, pavarësisht se tashmë e kanë përdorur atë për të sjellë Wojciech Szczesnyn.

Një gjë të tillë bënë edhe me Gavi pasi nënshkroi kontratën e re dhe vendimi do të merret më 27 dhjetor.

Dallimi është se La Liga do të mbrohet në këtë rast, në krahasim me rastin Gavi.

Barcelona ka miratuar një marrëveshje të re sponsorizimi me Nike, dhe besonte se kjo do të ishte e mjaftueshme për të rritur kufirin e pagave të tyre në mënyrë që të regjistroheshin të dyja sipas këshillave nga La Liga.

Megjithatë Barcelona beson se ka presion nga Sevilla, Atletico Madrid dhe Athletic Bilibao ndaj presidentit të La Ligës, Javier Tebas.

Ata supozohet se i kanë kërkuar Tebas të mbyllë zbrazëtirat që lejojnë Barcelonën të regjistrojë lojtarë dhe gjigantët katalanas dyshojnë se kjo erdhi pas kwrkesave tw klubeve mw lartw.

Nëse vendimi i gjykatës shkon kundër Barcelonës , atëherë ata do të shesin një paketë tregtare duke i dhënë një kompanie të drejtën për të shitur dhomat VIP në Camp Nou të rinovuar rishtazi për 20 vitet e ardhshme. Barcelonës i mungojnë 60 milionë euro për të regjistruar të dy, dhe gjatë një takimi të bordit të hënën, ky u paraqit si plan B.

Ideja ishte ta shisnin atë paketë për 200 milionë euro, por tani ata po konsiderojnë një marrëveshje më të vogël me një firmë nga Katari për 120 milionë euro.

Nëse klubi e bën shitjen e paketës VIP, atëherë do të mjaftojë që të regjistrohen edhe rinovimet e kontratave të Pedrit dhe Gavit.

Laporta është parë duke udhëtuar nëpër Lindjen e Mesme dhe Azi gjatë muajve të fundit, me shumë njerëz që besojnë se ai ka kërkuar investime./Telegrafi/