Iseni: Kontrolli i Brendshëm po shqyrton shkeljet eventuale të zyrtarëve policorë gjatë kalimit të Artan Grubit në vendkalimin kufitarë “Bllacë”

Zëvendësministri i Punëve të Brendshme, Astrit Iseni thotë se Sektori për Kontroll të Brendshëm po shqyrton shkeljet eventuale të zyrtarëve policorë gjatë kalimit të Artan Grubit në Pikën Kufitare Bllacë.

Iseni për “Alsat” thotë se ka dyshime për rrjedhje eventuale të informatave nga policia në lidhje me çështjen e Grubit.

Iseni, nuk dha informatë nëse Grubi ka qenë në Stop listë, gjegjësisht nëse ka pasur ndalesë për ta lëshuar shtetin.

“Ne shpresojmë se gabimi apo lëshimi nuk ka qenë i qëllimshëm nga ana e policit kufitar dhe gjithashtu ne në terren, e kemi kontrollin e brendshëm, i cili është përgjegjës për këtë dhe normalisht nëse ka të dhënë të tillë me të cilën e shohin se ka pasur tendencë të qëllimshme, atëherë normalisht do të marrim masa si Ministri e Punëve të Brendshme…Ka dyshime, kontrollohen këto informacione dhe normalisht nëse vërtetohet një gjë e tillë besoj se do të jetë edhe një dëshmi shtesë për këtë vazhdimësi të rrjedhë të këtyre ngjarjeve kriminogjene të cilat do të thotë se i takojnë pushtetit të kaluar”, deklaroi Iseni.