“Shpresoj se Assad do ta paguajë çmimin”, thotë nëna e adoleshentit – vdekja e të cilit ndezi revolucionin sirian

Nëse shtytja për të rrëzuar Bashar al-Assad ka lindur diku, ajo ka lindur në Deraa, një qytet i vogël në Siri pranë kufirit jordanez.

Këtu, më 21 maj 2011, trupi i torturuar dhe i gjymtuar i 13-vjeçarit Hamza al-Khatib iu dorëzua familjes së tij disa javë pas arrestimit të tij në një tubim antiqeveritar.

Vdekja e tij dhe torturimi i adoleshentëve të tjerë vendas për shkrimin e grafiteve kundër Assadit, shkaktuan protesta të gjera dhe një goditje të ashpër nga forcat qeveritare.

Nëse dikush në Deraa duhet të festojë rënien e regjimit të Asadit, kjo është familja Khatib.

Por kur e vizituan të martën, askush në atë shtëpi nuk po festonte, transmeton Telegrafi.

Atyre sapo u ishin dërguar pamjet e dokumenteve të gjetura në burgun famëkeq Saydnaya që konfirmonin se vëllai i madh i Hamzës, Omar – i arrestuar gjithashtu nga policia në vitin 2019 – kishte vdekur në paraburgim.

Nëna e djemve, Samira, duke u dridhur nga pikëllimi, më tha se kishte pritur që Omari të dilte nga burgu.

“Po mendoja se ndoshta ai do të vijë sot ose nesër. Sot e mora lajmin”, tha ajo. /Telegrafi/