Kadrijaj: Kurti po tregon përralla në Kuvend

Deputetja e AAK-së, Time Kadrijaj, e ka kritikuar kryeministrin Albin Kurti për keqqeverisje.

Ajo në seancën e sotme të Kuvendit, tha se kreu qeveritar tregoi përralla para deputetëve.

“Kryeministri na tregoi përralla. Jemi ngi përralla kryeministër dhe është dashur të tregosh se çka ke bërë konkret. Një kryeministër me dal me fol për shëndetësi, arsim, infrastrukturë tu i pas krejt këta ministra këtu, po del se ministrat i ke të paaftë. Barrën e krejt kësaj qeverie e ke marrë ti…

Kryeministri tha se s’kam premtuar në fushata as njohje të reja, as anëtarësim në organizata ndërkombëtare dhe as avancimin në agjendën evropiane. Atëherë s’po di ku je koncentruar kryeministër. Pse s’je shku me u bërë drejtor i një shkolle fillore, apo një shkolle të mese, pasi si kryeministër ke përgjegjësi me u shqetësu dhe punu në secilin sektor të jetës”, tha ajo.

Sipas saj kryeministri Kurti se ka mbajtur asnjë premtim të fushatës zgjedhore.

“A e ke pas premtim kryeministër se pa e gjetur të fundit person të pagjetur s’ke me dialogu me Serbinë. A ke thënë se nuk do të ulem me dialogu me Serbinë pa kërku falje për krimet e ndodhura në Kosovë. Po ashtu po më vjen keq për babën e Astrit Deharit se keni thënë se kemi me zbardh rastin e Astrit Dehari, por s’ndodhi kjo. Përkundrazi i keni zhduk mostrat dhe keni djeg Institutin e Mjekësisë Ligjore…Ke pranuar një marrëveshje të keqe e cila është marrëveshje e Zajednicës”, shtoi Kadrijaj.

Në anën tjetër, ajo tha se Qeveria Kurti ka vjedh aty ku sipas saj s’duhet të vidhet.

“Keni vjedh aty ku s’duhet të vidhet. Keni goditur ushtrinë e Kosovës. Sot ushtarët e Kosovës po hajn bukë e pashteta. Sot ushtarët e Kosovës s’kanë uniforma”, theksoi Kadrijaj. /Kp/Telegrafi/