Dëshironi të parkoni një veturë me benzinë ​​në një vend të rezervuar për vetura elektrike, videoja që ofron “zgjidhjen”

Produkti ka një dizajn “autentik” që thuhet se mundëson krijimin e “momenteve virale”.

Në internet mund të shihen raste të shumta kur pronarët e veturave me benzinë ​​dhe naftë improvizojnë priza elektrike false në automjetet e tyre, në mënyrë që të parkojnë falas në vende me karikues veturash elektrike, transmeton Telegrafi.

Tani dikush ka kuptuar se si të fitojë para nga kjo ide. Ky është PrankPort, një “port karikimi” magnetik i printuar 3D që ngjitet lehtësisht në fletën metalike të një veture dhe imiton një prizë automjeti elektrik. Edhe pse duket mjaft jo bindëse, mund të mashtrojë dikë.

Shitet në Amazon, ku përshkruhet si “perfekt për parkim në pika veturash elektrike dhe për të shkaktuar reagime gazmore”.

Theksohet dizajni i tij “autentik”, i cili gjoja lejon krijimin e “momenteve virale”.

Edhe pse kjo shpikje duket si një ide e pastër për parkim falas ose për të zënë vend te karikuesit kur të gjithë të tjerët janë të zënë, është e lehtë të zbulohet se është një mashtrim. Në këtë rast, pronari i veturës nuk dënohet. /Telegrafi/

@goodbuy.ai “You deserve a nice parking spot” Now shipping PrankPort: the Fake EV Charging Port #prankport #evcharging #teslasupercharger #fakeevcharging #j1772 ♬ original sound – GoodBuy.ai