Zach Bryan-it i hidhet një objekt përsëri në skenë, ndërsa ylli shan turmën

Zach Bryan ka reaguar ashpër ndaj një anëtari të turmës që i hodhi një objekt në skenë gjatë një koncerti në Portland, Oregon, këtë të mërkurë, herën e dytë brenda një jave.

Ylli i muzikës country, 28 vjeç, ishte duke performuar në Qendrën Moda kur një kanaçe i u hodh nga turma dhe goditi këmbën e tij.

Pas incidentit, Bryan e ndaloi menjëherë këngën, mori objektin dhe kërkoi të dinte kush e kishte hedhur atë, shkruan DailyMail.

Ai i kërkoi audiencës që të ndalonte me sjelljen e tillë, duke thënë: “Le të mos jemi kështu, apo jo? Të hedhësh gjëra në koncerte?” dhe e hodhi përsëri objektin në turmë, siç shihet në pamjet e siguruara nga TMZ.

Ky incident erdhi pas një ngjarjeje të ngjashme të dielën e kaluar në Tacoma Dome, ku Bryan gjithashtu u ndal gjatë performancës kur një objekt tjetër u hodh në skenë.

Edhe atëherë, ai kërkoi që të zbulohej kush ishte përgjegjës për veprimin dhe u shpreh se “askush nuk e meriton të goditet me gjëra në koncerte”.

Ky incident ka shkaktuar një sërë reagimesh në rrjetet sociale, ku disa fansa e kritikuan Bryan për reagimin e tij, duke e quajtur atë “fëmijë” dhe duke thënë se “15 minutat e tij kanë mbaruar”.

Megjithatë, disa të tjerë e mbështetën duke thënë se askush nuk e meriton të shfrytëzohet si shënjestër gjatë një performance live. /Telegrafi/