Ukraina tani kërkon një “armë specifike” nga aleatët

Partnerët e Ukrainës duhet t’i kundërvihen aksioneve të Rusisë duke furnizuar Kievin me sisteme të mbrojtjes ajrore “të afta për të kapur” raketat balistike me rreze të mesme veprimi si ‘Oreshnik’.

Ministri i Jashtëm ukrainas Andrii Sybiha e bëri deklaratën në platformën e mediave sociale X, siç raporton Ukrinform, përcjell Telegrafi.

“Përdorimi i një IRBM nga Rusia është shantazh tipik. Putini përpiqet të trembë të gjithë që të mos mbështesin Ukrainën”, ka shkruar ai.

Russia’s use of an IRBM is typical blackmail. Putin tries to scare everyone off from supporting Ukraine. Ukraine’s partners should do the exact opposite: reject blackmail, increase support, and strengthen Ukraine’s air shield with systems capable of intercepting such missiles.

— Andrii Sybiha 🇺🇦 (@andrii_sybiha) November 24, 2024

Ai u bëri thirrje aleatëve të Ukrainës që të rrisin mbështetjen dhe të forcojnë kapacitetet e mbrojtjes ajrore të Ukrainës duke ofruar sisteme të afta “për të kapur” këto lloj raketash.

Sipas Komandës së Forcave Ajrore të Ukrainës, më 21 nëntor, forcat ruse lëshuan një raketë balistike ndërkontinentale, një raketë balistike Kinzhal të lëshuar nga ajri dhe shtatë raketa Kh-101 në drejtim të Dnipro.

Dhe forcat e mbrojtjes ajrore ukrainase “kapën” gjashtë nga raketat Kh-101.

Në të njëjtën ditë, presidenti rus Vladimir Putin pohoi se një raketë balistike me rreze të mesme “Oreshnik” u përdor kundër Dnipro si një përgjigje ndaj përdorimit të supozuar të Ukrainës të raketave me rreze të gjatë veprimi të SHBA-së dhe Britanisë.

Sybiha më vonë konfirmoi se një takim i Këshillit Ukrainë-NATO do të thirrej më 26 nëntor për të trajtuar përdorimin e këtij sistemi të ri raketor nga Rusia.

Seanca e këshillit do të mbahet të martën më 26 nëntor. /Telegrafi/