“Mos vazhdo më nga ana e familjes, nuk ta kemi borxh” – Vëllai i Xhenetës përballet me Xuxin

Në episodin e fundit të spektaklit Big Brother VIP Kosova, publiku dhe banorët ishin dëshmitarë të një momenti të ndjeshëm dhe tensionues, kur u shfaq një video e Xuxit, i cili komentonte për historinë personale të Xhenetës.

Ky moment preku thellë Xhenetën, e cila ka rrëfyer më parë se nëna e saj e kishte lënë kur ishte ende foshnjë. Ky ndërlidhje me të kaluarën ka qenë një ngjarje që Xheneta nuk e ka falur, dhe ka shkaktuar shumë reagime midis banorëve dhe publikut.

Pas diskutimeve të shumta, Vëllai i Madh urdhëroi që banorët të ngrihen, moment kur vëllai i Xhenetës hyn brenda dhe e ndërpret lojën “ngriva”.

Xheneta, e prekur nga emocionet, nxitoi t’i shkojë dhe ta përqafojë, ndërsa Alaudini e tërhoqi vëmendjen duke i kërkuar të ulet.

Pas një heshtjeje të shkurtë, Xheneta u ul, ndërkohë që vëllai i saj mori fjalën për të folur drejtpërdrejt me Xuxin.

Ai filloi duke i siguruar Xhenetës se ishte mirë, dhe pastaj iu drejtua Xuxit me një mesazh të fortë: “Për punën e marres që ke bërë, sikur e ka bërë nëna e Xhenetës dhe e imja, po ashtu e ke bërë dhe ti me vajzën tënde pas 29 vjetësh e ke gjetur. Je këtu për të luajtur me Xhenetën dhe banorët, jo me familjet e tyre. A ka punuar babai i Xhenetës për 50 vjet, apo jo, sikur ti që je në Prishtinë edhe ne jemi në Prishtinë, ka pasur kush punon për të dhe kush punon edhe sot për të. T’u kisha lutur për shkak të moshës, mos vazhdo nga ana e familjes, jo me familje”.

Më pas edhe Xuxi e përshëndet vëllain e Xhenetës. /Telegrafi/