“Nga rivalë politikë në shokë”: Videoja virale e gjeneruar me Al shfaq Trumpin dhe Bidenin duke shijuar momente të këndshme së bashku

Rivalët politikë Joe Biden dhe Donald Trump u takuan në Shtëpinë e Bardhë, me presidentin në largim duke premtuar një tranzicion të qetë të pushtetit tek presidenti i zgjedhur.

Takimi i tyre shënoi herën e parë që ata u takuan ballë për ballë që nga debati i nxehtë presidencial në qershor që çoi në tërheqjen e Bidenit nga gara.

Bëhet e ditur se gjatë takimit të tyre në Shtëpinë e Bardhë, Biden e uroi Trumpin për mandatin e tij të dytë dhe e mirëpriti atë.

Ndërsa takimi ishte i tensionuar, një video virale e gjeneruar me Al i shndërroi rivalët politikë në dy shokë, përcjell Telegrafi.

Në videon e publikuar në rrjete sociale, dy presidentët janë portretizuar duke shijuar momente të këndshme së bashku.

Klipi hapet me një skenë në Shtëpinë e Bardhë ku Biden shihet duke i thënë Trumpit: “Kjo punë nuk është argëtuese”.

Trump përgjigjet: “Më ke munguar në garë”.

I asked AI to imagine the Trump Biden lunch at the White House today and it did not disappoint! pic.twitter.com/gNrJc0s7Hm

— Ari K (@arikuschnir) November 13, 2024

Ajo që vijon janë të dy presidentët duke u përfshirë në aktivitete të ndryshme.

Ata vizitojnë një panair, hanë akullore së bashku, kalërojnë, madje shijojnë edhe gota vere, shëtitje dhe sërf.

Videoja mbyllet me të dy në një tryezë, ku Biden shprehet me dëshpërim: “Ndoshta një ditë”. /Telegrafi/