Dy aksidente të rënda brenda pak minutave në regjionin e Ferizajt

Dy aksidente mjaftë të rënda kanë ndodhur rreth mesnatës në Ferizaj dhe Kaçanik, të cilat përveç dëmeve të konsiderueshme materiale, ato kanë shkaktuar edhe lëndime trupore për vozitësit e pasagjerët e tyre.

Këto dy raste të ndara kanë ndodhur vetëm pak minuta ndërmjet njëra tjetrës.

Kanun Veseli, zëdhënës i Policisë së Kosovës për regjionin e Ferizajt, ka thënë për Telegrafin se rreth orës 20:10 dy vetura me targa vendore janë aksidentuar në fshatin Doganaj të Kaçanikut dhe për pasoj dy persona kanë pësuar lëndime trupore, të cilët kanë pranuar tretman mjekësor.

Sipas Veselit Njësia e Hetimeve të Aksidenteve ka dalë në vendin e aksidentit.

“Ndërsa rreth orës 20:27, tek vendi i quajtur ‘Vrella’ në fshatin Greme të Ferizajt, dy vetura të tjera me targa vendore janë aksidentuar dhe si pasoj e këtij aksidenti një person ka pësuar lëndime trupore i cili ka pranuar tretman mjekësor. Po ashtu edhe në këtë rast Njësia e Hetimeve të Aksidenteve ka dalë në vendin e ngjarjes dhe po merren me rastin”, ka thënë Veseli. /Telegrafi/