Ora e xhepit e një pasagjeri që humbi jetën me fundosjen e Titanicut, po shitet në ankand për 80 mijë funte

Një orë xhepi që është “ngrirë në kohë” kur pronari i saj përfundoi thellë në ujë së bashku me anijen Titanic, pritet të dalë në ankand për 80 mijë funte.

Ramon Gomez, ishte një prej 1.521 pasagjerëve që humbi jetën kur anija goditi ajsbergun dhe u fundos më 1912, transmeton Telegrafi.

Gomez një shtetas nga Urugai, ishte pasagjer në klasin e parë – dhe që besohej se ishte hedhur nga anije derisa po mbahej për një karrige duke tentuar ta shpëtojë vetën.

Por doli se trupi i tij u gjet në det një javë më vonë nga anija MacKay-Bennett. Gjësendet i ishin larguar nga trupi me qëllim që t’i dërgohen familjes së tij, përfshirë orën e argjendtë zvicerane Zenith.

Por ora kishte mbetur e “ngrirë në kohë” në 4:52 të mëngjesit, që ishte dy orë e 33 minuta, pasi ishte fundosur anija.

Familja e mbajti orën për 112 vite, por tani po e shesin në ankand në Wiltshire të Britanisë së Madhe.

Është interesant se Gomez i kishte mbijetuar një katastrofe tjetër me anije, kur zjarri e përfshiu atë në Shtetet e Bashkuara – duke e detyruar të hidhet në det. /Telegrafi/