Masa për ngrirjen e marzheve deri në fund të tetorit, shporta sindikale ulet për 57 denarë

Edhe për një javë vlen masa për ngrirjen e marzhit të fitimit të produkteve ushqimore që janë pjesë e shportës së konsumit të vjeshtës. Me vendim të qeverisë janë ulur çmimet e 73 produkteve ushqimore bazë. Të dhënat e Lidhjes së Sindikatave të Maqedonisë të publikuara dje tregojnë se shpenzimet minimale të një familjeje në tetor janë ulur për 57 denarë. E përderisa qeveria mendon se masa po jep rezultate, LSDM-ja ka dorëzuar në Kuvend propozim për ndryshime legjislative që kërkojnë rritjen e pagës minimale në 450 euro.

Sipas LSM-së, të dhënat nga shporta minimale sindikale, e cila për muajin tetor është 61.249,00 denarë pa shpenzimet e banesës me qira prej 60 metrash katrorë, tregojnë se masa e Qeverisë ka dhënë një pjesë të efekteve të dëshiruara, por që çmimet duhet të ende të reduktohen sepse rritja e tyre nuk ka lidhje me logjikën ekonomike.

“Është e rëndësishme të theksohet se masa e qeverisë për kufizimin e masës së marzheve dha një pjesë të rezultatit të dëshiruar, por për shkak të lakmisë për fitim tek tregtarët që shteti duhet të frenojë, kur e kuptuan qëllimin e qeverisë për këtë masë, ata rritën çmimet e të gjitha produkteve, dhe këtë e konfirmojmë me rritjen e vlerës së rubrikës së ushqimeve dhe pijeve në shportën minimale sindikale për më shumë se 717 denarë për muajin e fundit të shtatorit dhe në të njëjtin rubrik në rubrikën ushqime dhe pije në muajin tetor 2024, i cili është 22.069,00 denarë në krahasim me muajin shtator 2024 (23.034,00 denarë) zvogëlohet për 965,00 denarë”, thonë nga LSM./Telegrafi/