Jennifer Lopez nuk donte të bënte kërkesë për divorc nga Ben Affleck, por nuk kishte zgjidhje tjetër

Pas paraqitjes së kërkesës për divorc nga Ben Affleck në gusht, Jennifer Lopez po ecën përpara.

Një burim i afërt me aktoren dhe këngëtaren 55-vjeçare tha për People se, pavarësisht sfidave, Lopez është e fokusuar në ndërtimin e një të ardhmeje.

“Ky ka qenë një nga vitet më të vështira për Jennifer”, tha burimi me revistën People.

“Ajo nuk donte të bënte kërkesë për divorc, por ndjeu se nuk kishte zgjidhje tjetër. Asgjë nuk do të ndryshonte me Benin”.

Çifti, i cili ishte i martuar për dy vjet, kaloi pjesën më të madhe të verës të ndarë, duke bërë që Lopez të listonte 26 prillin si datën e ndarjes së tyre në dosjen e saj.
“Ajo po ecën përpara me optimizëm”, shtoi burimi.

“Në vend që të ndihet sikur ka dështuar, ajo beson se ishte menduar të ndodhte”.

“Për momentin, po merr kohë për t’u fokusuar në veten dhe mirëqenien e saj”.

Lopez mbetet mirënjohëse për kujtimet që krijoi me Affleck-un, por vëmendja e saj është zhvendosur tek fëmijët dhe e ardhmja e tyre.

“Ajo e di se është me fat në shumë mënyra dhe i vlerëson momentet e bukura me Benin, por është e përkushtuar të ndërtojë jetën më të mirë për veten dhe fëmijët e saj”. /Telegrafi/