Prokuroria Themelore e Gjilanit nis hetime për sfidat e rrezikshme të vetëlëndimit në shkollat e Kamenicës.
Prokuroria Themelore në Gjilan është angazhuar me urgjencë pas raportimeve të rasteve të një loje të rrezikshme që ka përfshirë nxënësit në disa shkolla të Kosovës.
Kjo lojë, e cila ka nxitur shqetësime te autoritetet dhe prindërit, konsiston në sfida të vetëlëndimit të frymëzuara nga video në platformën sociale TikTok.
“Ju njoftojmë se Prokuroria Themelore në Gjilan për këtë rast është njoftuar nga Policia e Kosovës, për të cilin prokurori kujdestar ka autorizuar policinë që fillimisht rasti të hapet me shënim zyrtar për hetime. Lidhur me rastin është njoftuar edhe Qendra për Punë Sociale”, ka deklaruar për Telegrafin Prokuroria Themelore në Gjilan.
Autoritetet kanë theksuar se janë të shqetësuara për rrezikun që paraqet kjo lojë për shëndetin fizik dhe psikologjik të nxënësve.
Incidentet në shkollën “Abdullah Krashnica-Presheva”
Incidenti i fundit u raportua në shkollën fillore të mesme të ulët “Abdullah Krashnica-Presheva” në fshatin Koretin të komunës së Kamenicës.
Drejtori i Arsimit në këtë komunë, Afrim Dervishi, ka konfirmuar për Telegrafin se nxënësit e klasave të gjashta, tetë dhe nënta kanë marrë pjesë në këtë sfidë të rrezikshme.
Sipas tij, fëmijët kanë testuar se kush mund të qëndrojë më gjatë pa frymë, një akt që u bë edhe më i rrezikshëm për shkak të ndërhyrjes fizike mes tyre.
“Ngjashëm me rastet që ndodhën më parë në Gjakovë, edhe në Kamenicë, në shkollën ‘Abdullah Krashnica-Presheva’ disa nxënës kanë provuar një formë tjetër të vetëlëndimit, duke qëndruar pa frymë. Kjo ndodhi në oborrin e shkollës, përpara fillimit të orëve të mësimit,” deklaroi Dervishi, duke shtuar se shtatë nxënës morën pjesë në lojë, por fatmirësisht nuk pati pasoja të rënda.
Drejtoria e shkollës reagoi menjëherë, duke thirrur prindërit e nxënësve të përfshirë dhe duke konfirmuar se e gjithë situata ka ndodhur brenda territorit të shkollës, jashtë mbikëqyrjes së mësimdhënësve.
Ndërhyrja e shpejtë e autoriteteve dhe shkollës mundësoi që situata të mos përkeqësohej, ndërsa nxënësit e kanë pranuar se e morën idenë nga videot që kishin parë në TikTok.
Autoritetet shtojnë masat parandaluese
Policia e Kosovës ka dalë në vendin e ngjarjes menjëherë pas raportimeve, ndërsa zëdhënësi i policisë për rajonin e Gjilanit, Ismet Hashani, ka deklaruar se njësia e hetimeve është e angazhuar për të hetuar më tej rastin.
“Prokurori i Shtetit ka urdhëruar që të përpilohet një shënim zyrtar lidhur me rastin, dhe deri më tani nuk janë raportuar të lënduar,” tha Hashani.
Ky rast në Kamenicë vjen pas raportimeve të ngjashme në komunën e Gjakovës, ku u zbuluan rreth 20 raste të vetëlëndimit të nxënësve, të nxitura nga sfidat në TikTok.
Po ashtu, raste të ngjashme janë raportuar më parë në Fushë Kosovë dhe Lipjan.
Kjo valë e sfidave të rrezikshme ka ngritur shqetësime të thella për sigurinë dhe mirëqenien e fëmijëve në shkolla.
Autoritetet po intensifikojnë përpjekjet për të sensibilizuar shkollat, prindërit dhe nxënësit rreth rrezikut që paraqesin sfidat e ngjashme në rrjetet sociale.
Drejtoria e Arsimit në Kamenicë ka bërë thirrje që të rritet ndërgjegjësimi dhe bashkëpunimi mes prindërve dhe mësimdhënësve, për të monitoruar më nga afër aktivitetet e nxënësve brenda dhe jashtë shkollës, veçanërisht në rrjetet sociale.
Prokuroria dhe Policia e Kosovës janë zotuar të ndjekin me përparësi çdo raportim të mëtejshëm për incidente të ngjashme dhe të ndërmarrin masa të rrepta për të mbrojtur nxënësit nga lojërat e rrezikshme që qarkullojnë në rrjetet sociale si TikTok./Telegrafi/
Promo
Reklamo këtuLufta Prigozhin - Putin
Më shumëMomenti kur kamioni devijon rrugën dhe përplaset me disa vetura në Veternik
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Emisari amerikan Kasanof bën thirrje për partneritet më efektiv me Kosovën
Aksident i rëndë në Veternik flasin nga Emergjenca e QKUK-së: Tetë persona janë duke u trajtuar
Uka: Nëse vërtetohen përgjimet, i bie që është cenuar siguria kombëtare
11 persona lëndohen në një aksident në Veternik, përfshihen 11 vetura dhe një kamion
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Arda Guler nga Turqia i dërgon mesazh Carlo Ancelottit për minutazhën te Real Madridi
Çfarë janë uraganet, sa të rrezikshëm janë dhe çfarë mund të ndihmojë në zbutjen e dëmeve?
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Pamje nga vizita e Jakup Krasniqit te varri i vëllait, më pas i takon familjarët në fshatin e tij
Kaloi 50 mijë konkurrentë në audicion - kush është Nora Tushi, shqiptarja që po mahnit jurinë gjermane
Berisha: Do të dalin audio-incizime të tjera, do të na vijë turp