Netanyahu thotë se Izraeli i “ka eliminuar pasardhësit e mundshëm të Nasrallahut”

Forcat izraelite kanë vrarë pasardhësit e mundshëm të liderit të ndjerë të Hezbollahut, Sayyed Hassan Nasrallah.

Kështu, siç raportojnë mediat e huaja, përcjell Telegrafi, tha të martën kryeministri izraelit Benjamin Netanyahu, pa i përmendur ata.

“Ne kemi degraduar aftësitë e Hezbollahut. Ne dëbuam mijëra terroristë, duke përfshirë vetë Nasrallah dhe zëvendësuesin e Nasrallah, dhe zëvendësin e zëvendësuesit”, citohet të ketë thënë Netanyahu në një video-mesazh të regjistruar paraprakisht.

Netanyahu nuk e identifikoi me emër zëvendësuesin e Nasrallah që ai pretendonte se Izraeli e kishte vrarë.

Një zyrtar i Hezbollahut i tha Reuters të dielën se Izraeli po pengonte përpjekjet e kërkim-shpëtimit në një zonë ku mendohet të ketë qenë pasuesi i mundshëm i Nasrallah, Hashem Safieddine, kur Izraeli bombardoi periferitë jugore të Bejrutit të enjten.

Kujtojmë se Izraeli vrau Nasrallah në një sulm ajror në shtator në Bejrut.

Ndërkohë më herët të martën, ministri izraelit i mbrojtjes Yoav Gallant tha se zëvendësi i Nasrallah ndoshta ishte “eliminuar”.

Nuk ishte menjëherë e qartë se kë donte të thoshte Netanyahu në komentet e tij me “zëvendësin e zëvendësuesit”.

Kujtojmë se Hezbollahu filloi të gjuante raketa në Izrael më 8 tetorin e kaluar, një ditë pasi militantët palestinezë të Hamasit sulmuan Izraelin jugor nga Gaza.

Atëbotë, Hezbollahu përmendi solidaritetin me Hamasin. /Telegrafi/