Khloe Kardashian kujtoi një nga festat e Diddyt ku ajo ishte pjesëmarrëse: Gjysma e njerëzve ishin të zhveshur

Pas arrestimit të mogulit të muzikës Seana “Diddy” Combs, i akuzuar për përdhunim, tregti njerëzish dhe drejtim të një organizate kriminale, histori rreth festave të famshme seksuale të reperit, ku supozohet se kanë marrë pjesë figura të njohura, janë bërë tema kryesore në rrjetet sociale.

Tiktokerët tani kanë gërmuar një episod të vjetër të reality show-t “Keeping Up With The Kardashians”, ku Khloe Kardashian tregon se si ka qenë pjesëmarrëse në një festë të Diddy-t. Në episodin “Secrets of a Double Life” nga viti 2014, Kourtney Kardashian e pyet Khloe-n se kush ka qenë me të atë fundjavë.

“U ula në avion në 5:30 të mëngjesit. Pra, ajo festë… Mendoj se gjysma e njerëzve aty ishin nudo”, ka thënë Khloe, duke bërë një shaka me Kourtney-n: “Do të të pëlqente?”.

Pas arrestimit të Diddy-t, rrjetet sociale janë mbushur me video të vjetra, si ajo ku ai flet me Travis Scott-in, apo një video me një vajzë për të cilën ai pretendon se e ka adoptuar.

@narrativesaint♬ original sound – HIDDEN IN PLAIN SIGHT

Përveç kësaj, është publikuar edhe një foto e LeBron James-it, ku ai pozon në një kostum kamarieresh, për të cilin thuhet se është bërë gjatë një feste të Diddy-t. Po ashtu, profilet e këngëtarës Pink dhe kolegut të saj Usher janë fshirë nga rrjetet sociale, dhe megjithëse Usher tha se profili i tij ishte hakuar, disa spekulojnë se zhdukja e profileve ka lidhje me arrestimin e reperit.

Diddy ka deklaruar në gjykatë se është i pafajshëm për akuzat e ngritura ndaj tij dhe i është caktuar arrest shtëpiak deri në gjykim, duke u vendosur nën mbikëqyrje për shkak të rrezikut të vetëvrasjes.

“Diddy, Quincy, Justin Bieber, French Montana?” e pyet Kourtney, ndërsa Khloe përgjigjet se Kourtney ndoshta nuk i njeh këta njerëz, e pastaj fillon të flasë për festën e Diddy-t. /Telegrafii/