Kate Winslet iu nënshtrua terapisë që rikthen libidonë dhe dëshirën për veprim në shtrat: Çfarë është TRT-ja?

Kate Winslet së fundmi ndau përvojën e saj me terapinë e zëvendësimit të testosteronit (TRT) gjatë një interviste të re

Teksa i afrohej të 40-ave, ajo tregoi sesi terapia e ndihmoi të rifitonte dëshirën e saj seksuale.

– Ndonjëherë femrat kanë një rënie të vërtetë të libidosë për shkak të problemeve me gjëndrën tiroide. Nivelet e testosteronit gjithashtu mund të jenë problem. Ai është si vezë qelizore, kur ai zhduket – mungon aktiviteti në shtrat. Ndihem sërish seksi – thotë ajo.

Winslet theksoi se shumë njerëz nuk e kuptojnë se edhe gratë prodhojnë testosterone, ndonëse në sasi më të vogla.

Terapia me testosteron përfshin plotësimin e testosteronit, një hormon që prodhohet kryesisht në testikujt mashkullorë dhe, në sasi më të vogla, në vezoret e grave, transmeton Telegrafi.

Sipas doktoreshës Anamika Kavatra, gjinekologe dhe obstetre, në spitalin Rainbow, “TRT për gratë ka tërhequr vëmendjen, por është e nevojshme të kuptohen të mirat dhe të këqijat e saj përpara se të merret një vendim”.

Dr. Rajiv Sud, kryetar i departamentit të urologjisë në Marengo Asia Hospitals, shpjegon se TRT mund të administrohet nëpërmjet injeksioneve, arnave, xheleve ose implanteve.

Megjithatë, Dr. Nancy Nagpal, gjinekologe konsulentë në “Salubritas Medcentre”, paralajmëron se aktualisht nuk ka udhëzime të përcaktuara për këtë trajtim, ndaj është e nevojshme shqyrtimi i kujdesshëm.

Çfarë është TRT?

TRT mund të jetë një procedurë e sigurt kur kryhet nën mbikëqyrjen mjekësore, por mbart rreziqe që duhen monitoruar. Profesionistët shëndetësorë zakonisht monitorojnë nivelet e testosteronit, presionin e gjakut, kolesterolin dhe shëndetin e prostatës gjatë terapisë për të parandaluar komplikimet.

Përparësitë:

▪ humor të përmirësuar dhe energji
▪ lehtësim i depresionit
▪ rritje e dëshirës seksuale dhe funksionit seksual
▪ rritje e masës së muskujve dhe dendësia e kockave
▪ funksioni kognitiv

Kundër:

Rreziqet kardiovaskulare – ka një debat të vazhdueshëm nëse TRT rrit rrezikun e sulmit në zemër ose goditjes në tru, veçanërisht te meshkujt e moshuar.

Shqetësimet për shëndetin e prostatës – Testosteroni mund të stimulojë rritjen e qelizave të kancerit të prostatës ose të shkaktojë zmadhim beninj të prostatës.

Apnea e gjumit – TRT mund të përkeqësojë apnenë ekzistuese të gjumit ose të çojë në raste të reja në disa përdorues.

Ndryshimet e humorit – disa individë mund të përjetojnë luhatje humori, nervozizëm ose rritje të agresionit, raporton Hindustantimes. /Telegrafi/