Ish-agjenti i CIA-s drogoi dhe fotografoi lakuriq afro 30 gra, dënohet me 30 vite burgim

Një oficer i CIA-s i cili drogoi, fotografi dhe abuzoi seksualisht afro 30 gra në mbarë botën, është dënuar me 30 vite burgim.

Brian Jeffrey Raymond, ish-praktikant i Shtëpisë së Bardhë, i joshte gratë që takonte në aplikacionet e takimeve, përfshirë Tinder, duke i dërguar në banesën e tij të dhënë me qira nga qeveria, ku i drogonte ato ndërsa u shërbente verë dhe ushqime, transmeton Telegrafi.

48-vjeçari kalonte orë të tëra duke pozuar me viktimat e tij që ishin pa vetëdije dhe lakuriq, të cilat i fotografonte dhe i keqtrajtonte.

Është zbuluar se në librarinë e tij janë gjetur mbi 500 fotografi. E gjykatësit thanë se sulmet e tmerrshme datojnë nga 2006, ku gjatë karrierës së tij ai u përcoll me postime nga Meksikë, Peruja dhe vende tjera.

“Është e sigurt të thuhet se ai është një grabitqar seksual”, tha gjyqtarja e lartë amerikane Colleen Kollar-Kotelly, duke vendosur dënimin e plotë që prokurorët kishin kërkuar në Uashington të mërkurën.

“Do të kesh kohë të gjatë të mendosh për këtë”, shtoi ajo.

Si pjesë e gjykimit, gjykata urdhëroi atë të paguaj nga 10 mijë dollarë për secilën nga 28 viktimat e tij. /Telegrafi/