Komisioni Evropian paraqet tre opsione për të siguruar ndihmë ushtarake për Ukrainën duke përdorur asetet e ngrira ruse

G7 ka premtuar të mbledhë një hua prej 45 miliardë euro për Ukrainën, por nisma kërkon një marrëveshje midis 27 anëtarëve të Bashkimit Evropian.

Së fundmi, Komisioni Evropian u ka paraqitur shteteve anëtare tre opsione për të përmbushur planin e G7 që do të shohë aleatët perëndimorë të mbledhin një kredinë për të mbështetur ushtrinë edhe ekonominë e Ukrainës në betejën kundër forcave ruse.

Bëhet e ditur se plani, i vulosur përkohësisht në samitin e G7 në qershor, do të përdorë asetet e palëvizshme të Bankës Qendrore të Rusisë si kolateral.

Shumica e tyre (210 miliardë euro) mbahen në bllokun 27-vendesh.

Ndërsa aleatët nuk mund t’i konfiskojnë paratë, ata mund të përdorin interesat që gjenerojnë për të siguruar që kredia të ripaguhet gradualisht, pa e paguar vetë faturën.

Por, ideja e paprecedentë mbart rreziqe të shumta financiare, ndër të cilat kryesore është mundësia që këto asete të shkrihen përpara se të përmbushen pagesat dhe aleatët të mbajnë përgjegjësi për mospagim.

Sipas ligjit të BE-së, sanksionet duhet të zgjaten çdo gjashtë muaj me unanimitet, që do të thotë se një vend i vetëm mund të bllokojë rinovimin dhe të ndezë planin e G7.

Hungaria, në veçanti, shpesh ka prishur vendimet në mbështetje të Ukrainës dhe aktualisht po e pengon Brukselin të lëshojë 6.5 miliardë euro ndihmë ushtarake, shkruan euronews, përcjell Telegrafi.

Për të shmangur këtë skenar të frikshëm dhe për të garantuar parashikueshmëri afatgjatë, Komisioni ka propozuar tre opsione të ndryshme gjatë një takimi të ambasadorëve.

Opsioni i parë: ngrirja e aseteve për pesë vjet, por me një rishikim vjetor. Në këtë rast, do të duhej një shumicë e cilësuar për të shkrirë asetet.

Opsioni i dytë: rinovimi i sanksioneve ndaj aseteve ruse çdo 36 muaj dhe sanksionet e tjera ndaj Rusisë çdo gjashtë muaj.

Opsioni i tretë: rinovimi i të gjitha sanksioneve ndaj Rusisë çdo 36 muaj.

Siç raportohet, prezantimi u bë gojarisht nga Bjoern Seibert, shefi i shtabit të presidentes së Komisionit Evropian, Ursula von der Leyen.

Një propozim zyrtar pritet t’u paraqitet vendeve anëtare në ditët në vijim për të nisur negociatat, të cilat mund të zgjasin me javë të tëra.

Seibert i përshkroi tre opsionet si të pranueshme për SHBA-në e cila po i bën presion Brukselit që të lëvizë shpejt dhe të sigurojë që ndihma të arrijë në Ukrainë përpara fundit të vitit.

Nxitimi, megjithatë, u zvogëlua javët e fundit pasi zëvendëspresidentja Kamala Harris zëvendësoi presidentin Joe Biden si kandidatin demokrat, duke rritur shpresat se Donald Trump, i cili është zotuar të ndërpresë ndihmën amerikane për Kievin, do të mbahet larg Shtëpisë së Bardhë. /Telegrafi/