Arsovska akuzon Ministrinë e Financave për bllokimin e pagesave shtesë për mësimdhënësit në Shkup

Qyteti i Shkupit ka njoftuar punëtorët e shkollave nën juridiksionin e Qytetit se me datë 27.08.2024 (e martë) është lëshuar urdhër për pagesën e shtesës në pagë – pagë vjetore për pushime.

Ata theksojnë se, për mjetet e paguara nga qyteti i Shkupit tashmë ka një marrëveshje parimore nga ministri i Arsimit, por tani ministrja e Financave ka deklaruar se nuk pranon të procedojë urdhrin për pagesën e mjeteve që duhet të arrijnë te punonjësit e shkollës.

Qyteti i Shkupit

“Për institucionet e saj, nëse ministri i Financave ka dhënë mjete për rekurs, le t’i lirojë kur të dojë, ndërsa për shkollat ​​në kompetencë të qytetit të Shkupit, si përmbushje e detyrimit tonë, qyteti i Shkupit e ka lëshuar rekursin e fundit këtë javë dhe presim që ministri i Financave të zbatojë urdhrin”.

Ata sqaruan se, mjetet financiare për pagesën e pushimeve për vitin 2024 për shkollat ​​në varësi të qytetit të Shkupit janë planifikuar dhe siguruar me Buxhetin e Qytetit të Shkupit për vitin 2024, të miratuar nga Këshilli i Qytetit të Shkupit që në fund të vitit 2023. Të njëjtat mjete sipas tyre,janë buxhetuar në pikat 401 dhe 404 të Buxhetit, ku siç thonë,  tashmë të ngarkuar të qytetit të Shkupit dhe urdhri që i njëjti të paguhet përmes Ministrisë së Financave tashmë është nënshkruar dhe lëshuar.

Më tutje nga Qyteti i Shkupit shtojnë se Me këtë vendim të motivuar politikisht i cili bllokon pagesën e rekursit nga Ministria e Financave, dëmton drejtpërdrejt punëtorët e institucioneve arsimore në qytetin e Shkupit, të cilët sipas tyre, meritojnë të motivohen për të arritur sukses në punën e tyre. /Shenja