Turqia arrestoi gati 120 persona nën dyshimin se janë pjesëtarë të ISIS-it

Turqia arrestoi këtë javë mbi 100 anëtarë të dyshuar të grupit militant Shteti Islamik (IS), njoftuan autoritetet të premten.

Ky vend është përballur me disa sulme të mëdha, përfshirë një sulm në një klub nate në vitin 2017, ku u vranë dhjetëra njerëz. Përgjegjësinë për këto sulme e ka marrë Shteti Islamik.

Bastisjet e fundit u kryen në të gjithë Turqinë, duke përfshirë kryeqytetin Ankara dhe qytetin më të madh, Stambollin. Ministri i Brendshëm turk, Ali Yerlikaya, e konfirmoi këtë në platformën sociale X.

2️⃣3️⃣ ilde DEAŞ Terör Örgütüne yönelik son 5️⃣ gündür devam eden “GÜRZ-10” operasyonlarında 1️⃣1️⃣9️⃣ şüpheli yakalandı❗

Aziz Milletimizin Bilmesini İsterim ki;
Son terörist etkisiz hale getirilinceye kadar sizlerin duası ve desteği ile durmadan, duraksamadan mücadele edeceğiz❗️… pic.twitter.com/zQ1aYavLpz

— Ali Yerlikaya (@AliYerlikaya) August 30, 2024

Arrestimi i 119 personave këtë javë vjen pas ndalimit të 99 të dyshuarve të tjerë në fillim të gushtit.

Që nga rënia e “kalifatit” të vetëshpallur të Shtetit Islamik në vitin 2019, disa anëtarë të dyshuar të këtij grupi nga Siria dhe Iraku janë vendosur në Turqi.

Autoritetet turke kanë deklaruar se që nga qershori i vitit 2023, janë arrestuar më shumë se 3,600 persona për lidhje të dyshuara me grupin xhihadist.

Sipas autoriteteve lokale, dy nga sulmuesit që vranë 145 njerëz në një sallë koncertesh në Moskë në muajin mars kishin kaluar disa javë në Turqi përpara se të shkonin në Rusi. Përgjegjësinë për këtë sulm e ka marrë Shteti Islamik. /Telegrafi/