Këngëtarja e njohur shqiptare, Eliza Hoxha, ka bërë një rikthim të fuqishëm në skenën muzikore pas pesë vitesh mungesë. Eliza, e cila u tërhoq nga muzika në vitin 2019 për t’u angazhuar në politikë dhe fitoi statusin e deputetes në Kuvendin e Kosovës nga radhët e Partisë Demokratike të Kosovës (PDK), ka prezantuar projektin e saj të ri muzikor të titulluar “Pezull”.
“Pezull” është një baladë e veçantë që mbart një mesazh të thellë dhe emocional, duke shënuar një rikthim të vërtetë artistik për Elizën. Kjo këngë është realizuar në kuadër të një projekti shumë special, i cili ka për qëllim të kujtojë dhe të ndërgjegjësojë publikun për fatin e personave të zhdukur nga lufta e fundit në Kosovë.
Muzika dhe teksti janë realizuar nga vet Eliza, gjersa orkestrimi i është besuar muzikantit të njohur Florent Boshnjaku. Ana vizuale e projektit është realizuar nga produksioni PinkMoon. Projekti synon të përçojë dhimbjen dhe shpresën e familjeve që ende presin lajme për më të dashurit e tyre që janë zhdukur që nga viti 1999.
Në një deklaratë të Qendrës Burimore për Personat e Zhdukur në rrjetet sociale thuhej: “Sot, ditën ndërkombëtare për personat e zhdukur e shënojmë me projektin “Pezull”. Ky është projekt i përbashkët i Qendrës Burimore për Personat e Zhdukur dhe artistes Eliza Hoxha. Edhe sot kur ende nuk dihet për fatin e mbi 1600 personave që vazhdojnë të jenë të zhdukur nga vitit 1999 duhet të përpiqemi në forma të ndryshme për ta, për familjet e tyre dhe rrëfimet e tyre… deri sa të gjindet i zhdukuri i fundit”.
Ky rikthim i Eliza Hoxhës në muzikë ka ngjallur emocion dhe interes të madh mes fansave dhe publikut të gjerë. Balada “Pezull” jo vetëm që thekson talentin e saj vokal dhe artistik, por gjithashtu tregon përkushtimin e saj ndaj çështjeve humane dhe kujtesës kolektive të popullit kosovar.
Eliza Hoxha, e cila ka dhënë kontribut të madh në skenën muzikore shqiptare para se të hynte në politikë, duket se me këtë projekt të ri ka gjetur një mënyrë për të kombinuar pasionin e saj për muzikën me angazhimin e saj për drejtësi dhe kujtesë historike. /Telegrafi/
Promo
Reklamo këtu
Nga Cinestar
Nga Emona Center
Nga Kosmonte Foods
Nga albafoneal
Lufta Prigozhin - Putin
Më shumë
Turi dhe Orinda Huta u përballën me të papriturën gjatë udhëtimit me aeroplan për në Athinë
Noizy i reagon Osman Azemit pas deklaratave për Shqipërinë: Paske pirë i çikë o jetë, ndërroje pak mallin edhe emrin
Bella Hadid shfaqet rrezatuese me pozat në bikini
Melinda Ademi rrëmben vëmendjen e të gjithëve me pozat provokuese
Ilnisa Agolli tejet joshëse me ndryshimin drastik në pamje
Dua Lipa publikon fotografi nga pushimet luksoze me të dashurin e saj, Callum Turner
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Live Dita e fundit e afatit kalimtar veror – klubet e mëdha po punojnë për të mbyllur goditjet e 'minutës së fundit'
Si ndodhi që oferta që bëri Chelsea e zemëroi Osimhenin dhe Napolin – marrëveshja u anulua plotësisht
Dhjetë transferimet më të mira që u kompletuan në ditën e fundit të afatit kalimtar veror
Pentagoni: Kroacia po blen armën më të fuqishme në historinë e saj nga SHBA-ja
Biserko: Rasti i Banjskës e ka hequr ndarjen e Kosovës nga tavolina
Ambasadori britanik, për operacionin në veri: Veprim që kërkon konsultim me miqtë e palëkundur të Kosovës