Tre shenja kritike që tregojnë se është koha të largoheni nga lidhja

Psikologu klinik, Aria Campbell-Danesh, ka ndarë tre shenja kritika që tregojnë se është koha të largoheni nga ajo lidhje.

Campbell-Danesh, i cili po ashtu është autor i librit “A Mindful Year”, ndan këshilla të shumta përmes llogarisë së tij në Instagram.

Ai gjithashtu jep këshilla edhe për sa i përket relacioneve.

“Shenja e parë është të nëse ndiheni vazhdimisht të mosrespektuar ose të nënvlerësuar. Respekti i ndërsjellë është themeli i çdo marrëdhënieje të shëndetshme dhe pa të, lidhja ka të gjasa të shkaktojë më shumë dëm sesa dobi”, shpjegon psikologu.

View this post on Instagram

A post shared by Dr. Aria Campbell-Danesh (@dr._aria)

Shenja e dytë sipas ekspertit, është nëse vëreni mungesë përpjekje nga partneri i juaj për të adresuar çështjet e përsëritura.

“Marrëdhëniet kërkojnë që të dy partnerët të punojnë për problemet dhe të rriten së bashku. Nëse vetëm një person është i përkushtuar për t’i përmirësuar gjërat, kjo është një shenjë e çekuilibrit që mund të çojë në pakënaqësi”.

“Së fundi, nëse e gjeni veten duke kompromentuar vazhdimisht vlerat dhe lumturinë tuaj vetëm për të ruajtur paqen. Një marrëdhënie duhet të përmirësojë jetën tuaj, jo ta vështirësojë atë”, theksoi ai. /Telegrafi/