Bislimi dënon mesazhin provokues antishqiptar në Bujanoc: Pjesë e një modeli kërcënimesh dhe represionesh

Zëvendëskryeministri i parë i Kosovës, Besnik Bislimi, ka reaguar ashpër ndaj një mesazhi provokues antishqiptar që u shfaq në Bujanoc, të cilin e quajti pjesë të një modeli më të madh kërcënimesh dhe represionesh kundër shqiptarëve në Luginën e Preshevës.

Në një postim në platformën “X”, Bislimi tha: “Vdekje për shqiptarët. Nuk ju duam. Kosova është Serbi!” është një tjetër mesazh urrejtjeje që u gjet sot në hyrjen e repartit të fëmijëve në Bujanoc. Kjo nuk është një incident i izoluar, por pjesë e një modeli më të gjerë të kërcënimeve dhe represioneve kundër shqiptarëve në Luginën e Preshevës.”

Reagimi i Bislimit vjen në një kohë kur tensionet etnike në rajon janë në rritje, dhe incidenti në Bujanoc ka shkaktuar indinjatë të thellë në Kosovë dhe më gjerë.

Bislimi theksoi se mesazhe të tilla urrejtjeje janë të papranueshme dhe kërkojnë një reagim të menjëhershëm dhe të vendosur nga autoritetet ndërkombëtare për të mbrojtur të drejtat dhe sigurinë e shqiptarëve në Luginën e Preshevës./Telegrafi/

"Death to Albanians. We don't want you. Kosovo is Serbia!" Another hateful message was found today at the entrance of the children's ward in Bujanovc. This is not an isolated incident, but part of a larger pattern of threats & repression against Albanians in the Presheva Valley. pic.twitter.com/nKmM6QGd2b

— Besnik Bislimi (@BislimiBesnik) August 19, 2024