Nën kërcënimin e armës ia morën telefonin, braziliani arrin të çarmatosë të dyshuarin – vret njërin prej sulmuesve

Një video e filmuar nga kamerat e sigurisë, shfaq momentin kur një burrë bëhet cak i dy hajnave të armatosur që i afrohen në rrugë me motoçikletë.

Megjithatë ata me gjasë ishin ngatërruar me personin e gabuar, pasi arriti t’ia rrëmbejë revolen njërit prej tyre dhe ta qëllojë për vdekje.

Ky shkëmbim zjarri la të vdekur 16-vjeçarin në juglindje të Brazilit, përkatësisht në qytetin Guarulhos, transmeton Telegrafi.

Kamerat e sigurisë kanë kapur momentin kur Otavio Ribeiro përshëndet me një bashkëpunëtor dhe fillon të ecë i vetëm në drejtim të shtëpisë, kur dy persona të dyshuar i afrohen me motoçikletë.

Nën kërcënimin e armës, ua jep telefonin, por në ato momente arrin të çarmatos  njërin prej të dyshuarve që e rrëzon në tokë së bashku me shoqëruesin e tij.

Ribeiro më pas shkrep disa plumba mbi adoleshentin derisa tentoi të ikë. Ai shtiu me armë edhe mbi të dyshuarin e dytë, por që arriti të largohet me motoçikletë.

E adoleshenti që pësoi plagë nga arma e zjarrit në gjoks dhe kraharorin e majtë, është dërguar në spitalin më të afërt ku edhe ndërroi jetë.

Policia e Sao Paulo ka arritur të gjejë telefonin dhe portofolin e Ribeiros si dhe dy telefona tjerë që ishin vjedhur atë natë.

Me të mbërritur në shtëpinë e tij, policia gjeti Ribeiron i cili u tha atyre se ishte larguar nga vendi i ngjarjes nga frika se do ta pësojë me jetë.

Ai është dërguar në stacionin e policisë për intervistim ku më pas është liruar. /Telegrafi/