Vdes në moshën 60-vjeçare ish trajneri i Leicester Cityt

Ish-trajneri i Leicester Cityt, Craig Shakespeare, ka vdekur në moshën 60-vjeçare, pas një sëmundje të rëndë.

Shakespare, i cili ishte asistent i Claudio Ranierit gjatë triumfit të paharrueshëm të Leicester Cityt në Ligën Premier në vitin 2016, u diagnostikua me kancer vitin e kaluar dhe tha se po merrte trajtim.

Megjithatë, në një deklaratë të lëshuar në emër të familjes së tij nga Shoqata e Menaxherëve të Ligës Premier, konfirmohet se Shakespeare ka vdekur.

“Me pikëllim të madh njoftojmë ndarjen nga jeta të Craig Shakespeare, ‘SHAKEY’. Craig ndërroi jetë paqësisht këtë mëngjes në shtëpi i rrethuar nga familja e tij”.

“Ndërsa familja është jashtëzakonisht krenare për arritjet e tij në futboll si lojtar dhe trajner, për ne, familjen e tij, ai do të jetë gjithmonë një bashkëshort, baba, bir, vëlla dhe xhaxha i dashur”.

“Humbja është shkatërruese për të gjithë ne dhe ne do të kërkojmë që të jepet privatësia në këtë kohë tepër të vështirë, ndërsa përpiqemi të pajtohemi dhe të mbajmë zi për humbjen e një personi shumë të veçantë”.

“Familja dëshiron të falënderojë dhe të pranojë lutjet dhe urimet e shumta të dërguara gjatë muajve të fundit të vështirë, shumë prej të cilave ne nuk ishim në gjendje t’u përgjigjemi, por të gjitha kishin shumë rëndësi për Craig dhe familjen”, thuhet në njoftim.

The League Managers Association is deeply saddened by the passing of LMA Member Craig Shakespeare at the age of 60.

Full statement ➡️ https://t.co/VaI8pCQgXt pic.twitter.com/DiTOguxnDM

— LMA (@LMA_Managers) August 1, 2024

Vitin e kaluar, Leicester City njoftoi se Shakespeare po i nënshtrohej trajtimit pasi u diagnostikua me kancer.

Shakespeare, i cili e filloi karrierën e tij si lojtar në Walsall, do të vazhdonte të luante për Sheffield Wednesday, West Brom dhe Grimsby Town përpara se të kalonte në Scunthorpe United, Telford dhe Hednesford Town.

Ai do të bëhej menaxher i përkohshëm në ish-klubin West Brom, gjashtë vjet pasi kishte varur këpucët në vitin 2000.

Një karrierë e suksesshme 17-vjeçare në trajnim do të pasonte në një sërë klubesh, duke përfshirë Leicester, Hull City, Watford, Aston Villa, Everton dhe Norwich City. /Telegrafi/