Liverpooli synon transferimin e papritur të mbrojtësit francez i cili kushton vetëm 50 mijë euro

Liverpooli raportohet se po synon që ta shfrytëzojë në avantazhin e saj situatën e trazuar financiare të Bordeaux, për të transferuar njërin prej lojtarëve të tyre më të mirë.

Bordeaux ishte detyruar që të shpallte falimentimin këtë javë, pasi pronarët e Liverpoolit, FSG, u tërhoqën nga bisedimet për të blerë klubin francez.

Përmes një njoftimi zyrtar të lëshuar të enjten, Bordeaux kishte bërë me dije se ata kanë shpallur falimentimin për t’i ikur sanksioneve të rënda për shkak të vështirësive financiare.

Foot Mercato raporton se Liverpooli po përcjell nga afër mbrojtësin Mathys Angley, i cili pritet të jetë i gatshëm si lojtar i lirë.

Kush është Mathys Angely?

Angely në shumicën e rasteve luan në qendër të mbrojtjes, por ai gjithashtu mund të operojë edhe në anën e majtë të mbrojtjes si dhe në rolin e mesfushorit defanziv.

Ai ka kaluar pjesën më të madhe të karrierës së tij si duke luajtur për ekipin lokal ESA Brive, para se t’i bashkohej Bordeauxit në vitin 2022.

Angely momentalisht ka një vlerë në treg prej 50 mijë eurosh nga Transfermarkt, ani pse ai do të jetë i gatshëm falas këtë verë, përkundër faktit që ka kontratë me francezët deri në vitin 2028.

Ai ka luajtur në kategoritë e grupmoshave të Bordeaux, ndërsa debutimin profesional për klubin e kishte bërë vitin e kaluar.

Si luajti sezonin e kaluar?

Pasi bëri debutimin e tij profesionist në Ligue 2 në fitoren ndaj Caen, Angely luajti pesë ndeshje për ekipin e parë të Bordeaux sezonin e kaluar.

Ai pati 1 paraqitje për ekipin e të rinjve, aty ku shënoi dy gola. Angely gjithashtu ka përfaqësuar Francën U17 në Kampionatin Evropian që u mbajt në Qipro këtë verë./Telegrafi/