Guvernatori Ismaili mirëpriti shefin e ri të Misionit të FMN-së për Kosovën, e njofton se kanë përmbushur dy rekomandime
Guvernatori i Bankës Qendrore të Republikës së Kosovës (BQK), Ahmet Ismaili, ka mirëpritur Shefin e ri të Misionit të Fondit Monetar Ndërkombëtar (FMN) për Kosovën, David Amaglobeli.
Në njoftimin e bërë nga BQK thuhet se guvernatori Ismaili e uroi Amaglobelin për pozitën e re dhe shprehu mirënjohjen për bashkëpunimin ndërmjet BQK-së dhe FMN-së.
“Gjatë këtij takimi, ai e informoi Amaglobelin për zhvillimet në sektorin financiar dhe ecuritë ekonomike, zbatimin e Planit Strategjik, funksionalizimin e strukturës së re organizative dhe reformat e tjera në BQK me qëllim të ngritjes së kapaciteteve. Gjithashtu, Guvernatori Ismaili informoi Amaglobeli për përmbushjen e rekomandimeve që dalin nga dy programet e FMN-së: Stand-By Arrangement (SBA) dhe Resilience and Sustainability Facility (RSF), si dhe rekomandimet e asistencave teknike”, thuhet në njoftim.
Gjatë takimit, Shefi i Misionit të FMN-së u informua për angazhimin e BQK-së për reformat legjislative, digjitalizimin, angazhimet për anëtarësim në SEPA, avancimin e mbrojtjes së konsumatorit dhe agjendën e gjelbër.
“Amaglobeli falënderoi Guvernatorin Ismaili për bashkëpunimin ndërmjet FMN-së dhe BQK-së, dhe e informoi për planet dhe pritshmëritë e FMN-së në kuadër të politikave ekonomike dhe financiare si dhe marrëveshjeve me FMN-në”, bëhet e ditur në njoftim.
Në vijim, Amaglobeli siguroi Guvernatorin Ismaili për mbështetjen e FMN-së ndaj BQK-së për reformat e ndërmarra dhe nismat e tjera në funksion të avancimit të sistemit financiar në vend.
“Të dy palët u zotuan se bashkëpunimi do të vazhdojë dhe do të avancohet më tej për arritjen e rezultateve të tjera në funksion të qëndrueshmërisë së sistemit financiar dhe rritjes së qëndrueshme ekonomike. Amaglobeli ka punuar në disa vende dhe misione të ndryshme të FMN-së, si dhe në pozitën e Guvernatorit dhe Zëvendësguvernatorit në Bankën Qendrore të Gjeorgjisë, ku ka drejtuar reformat e rëndësishme institucionale”, vijon njoftimi./Telegrafi/
Promo
Reklamo këtuLufta Prigozhin - Putin
Më shumëNga Rubrika
Telegrafi Jobs – Platforma më unike për publikimin dhe aplikimin në konkurset e punës
Raporti i UNDP-së, 36.8 për qind e të anketuarve të pakënaqur me drejtimin ekonomik aktual
CorrWatch: Pati jotransparencë gjatë rekrutimit të drejtorit të ATK-së dhe sekretarit në Ministrinë e Financave
Zgjedhet fituesi i parë i skuterit Vespa nga Auto Mita, në pritje edhe dy të tjerë
Telegrafi Jobs - Platforma më unike për publikimin dhe aplikimin në konkurset e punës
Çfarë po pret? Nxito, bëhu pjesë e lojës për të fituar veturë Kia Stonic 00 nga Emona Center!
Central Park sjell "Botën Tënde të Aventurave" edhe këtë vikend!
CorrWatch: Pati jotransparencë gjatë rekrutimit të drejtorit të ATK-së dhe sekretarit në Ministrinë e Financave
Implantimi i lenteve Premium me shumë fokuse: Zgjidhja për pamje të qartë në disa distanca
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Zana Spahiu dorëhiqet nga ushtruesja detyrës së drejtoreshës në RTK
Liverpooli po i transferon dy yjet e rivalit nga Liga Premier për 100 milionë euro
Ripërserit Daçiq: Është i pamundur ekstradimi i Radoiçiqit, Serbia nuk e njeh Kosovën
I kërkuar nga Real Madridi: Trent Alexander-Arnold ka vendosur për të ardhmen e tij
Trump: Nëse iranianët më vrasin, Amerika dua që ta zhduk Iranin
Kur do të kthehet trupi i Faton Hajrizit, flet Ivica Daçiq