Pamjet e kamerave të trupit të publikuara nga policia e shtetit të Illinoisit tregojnë oficerët që qëllojnë një grua afrikano-amerikan të paarmatosur në shtëpinë e saj pasi ajo thirri për ndihmë.
Në Shtetet e Bashkuara, ku shtypja policore ndaj pakicave është bërë gjithnjë e më e zakonshme, vrasja tërhoqi vëmendjen kombëtare, me presidentin amerikan, Joe Biden duke thënë se Sonya Massey “duhet të jetë gjallë sot”.
Deri më tani, një nga policët e përfshirë në këtë rast është akuzuar për vrasje.
Massey, 36, thirri 911 për të raportuar një ndërhyrës të mundshëm në shtëpinë e saj dhe policia mbërriti pas mesnatës së 6 korrikut, sipas Zyrës së Sherifit të Qarkut Sangamon.
Në një video të publikuar të hënën, Massey shihet duke folur me dy oficerë në shtëpinë e saj teksa ata kërkojnë ID dhe ajo kalon nëpër dokumente.
Më pas, zëvendësit e Sherifit i kërkuan asaj të kontrollonte tenxheren me ujë të valë në sobë, duke i thënë se “nuk kemi nevojë për zjarre derisa jemi këtu”.
Kur njëri nga policët tërhiqet prapa, Massey e pyet pse, dhe ai qesh, “largohuni nga uji i vluar”.
Duke mbajtur tenxheren, Massey përgjigjet me qetësi “Oh, unë të qortoj në emër të Jezusit” – për të cilën oficeri përgjigjet “është më mirë…por mos e bëj. Betohem në Zot se do të të qëlloj në… .fytyrë.”
Duke kërkuar falje, Massey struket pas banakut ndërsa oficerët bërtasin “hiqe atë tenxhere”. Më pas kalojnë në cepin e banakut dhe fillojnë të qëllojnë.
Pas kësaj, njëri prej policëve tha se kishin frikë “mos u futej uji i vluar në kokë”.
Oficeri Sean Grayson, i cili është i bardhë, është akuzuar për vrasje. Të hënën, Biden e quajti Masseyn një “nënë, shoqe, vajzë dhe grua të re me ngjyrë të dashur”.
“Kur bëjmë thirrje për ndihmë, të gjithë ne si amerikanë – pavarësisht se kush jemi apo ku jetojmë – duhet të jemi në gjendje ta bëjmë këtë pa pasur frikë për jetën tonë”, tha ai në një deklaratë.
Të shtënat dhe brutaliteti i policisë, veçanërisht rastet e dhunës ndaj personave me ngjyrë në një vend me një histori të gjatë diskriminimi, shpesh provokojnë zemërim dhe demonstrata në Shtetet e Bashkuara, si dhe mbrojtje dhe rezistencë nga mbështetësit e flaktë të policisë.
Sistemi i decentralizuar i policisë së Amerikës, ku qytetet dhe qarqet individuale janë përgjegjëse për policinë e tyre, do të thotë se nuk ka kërkesa kombëtare për trajnim, duke e bërë reformën jashtëzakonisht të vështirë. /Telegrafi/
Promo
Reklamo këtuLufta Prigozhin - Putin
Më shumëNetanyahu në Kongresin amerikan: SHBA dhe Izraeli duhet të qëndrojnë së bashku, Biden është një sionist krenar
Shkon në gjashtë numri i të vdekurve në Kroaci, policia zbulon identitetin e vrasësit
Trump paraqiti një ankesë kundër Harrisit - republikanët thonë se demokratja nuk ka të drejt të shfrytëzojë 'paratë' e Bidenit
Dy emra thuhet se kryesojnë garën për të qenë kandidatë për “zëvendës-presidentë të Harris”
Pamjet e kamerave treguan një polic duke qëlluar një grua me ngjyrë të paarmatosur në Illinois
Protesta kundër vizitës së Netanyahut në Uashington - policia hedh gaz lotsjellës ndaj protestuesve
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
ESPN zgjedh tre lojtarët më të mirë të shekullit – vendi i tretë i befason të gjithë
Laporta dhe Deco insistojnë ta bindin lojtarin e padëshiruar të largohet nga Barcelona
Këshilla se si të mbroheni gjatë shkarkimeve të rrufesë
Chelsea pagoi 40 milionë euro për të, sot ai punon në një kantier ndërtimi dhe lufton me fyerjet nga tifozët
Sondazhi i fundit - Harris e kalon Trumpin
Xabi Alonso e do me çdo kusht transferimin e yllit të Real Madridit këtë verë