Një pije është më e mirë në vend të ujit gjatë temperaturave të larta

Gjatë vapës së verës, konsumimi i një sasie të mjaftueshme të lëngjeve është çelësi për të shmangur dehidratimin dhe më së shpeshti arrijmë për ujë.

Megjithatë, një eksperte ka zbuluar se cila pije është alternativa më e mirë gjatë valës së të nxehtit, shkruan Metro.co.uk.

Mjekja, Natasha Fernando pohon se qumështi mund të jetë më hidratues se uji.

“Është shumë e rëndësishme se kurrë të kujdeseni për nivelet tuaja të hidratimit gjatë periudhave të motit të nxehtë”, thotë ajo.

“Sidoqoftë, nuk duhet t’i përmbaheni vetëm ujit për të rritur nivelet e hidratimit.

Fernando shpjegon se për shkak të përmbajtjes së sheqerit, proteinave dhe yndyrës së qumështit, e cila ngadalëson shkallën me të cilën lëngu zbrazet nga stomaku, një gotë me qumësht ju ndihmon të qëndroni të hidratuar për periudha më të gjata.

“Qumështi gjithashtu përmban natrium”, shton ajo, “që lejon trupin tuaj të mbajë ujin për më gjatë, duke ndihmuar nivelet e hidratimit”.

Nuk është vetëm qumështi i lopës: njerëzit veganë ose intolerantë ndaj laktozës gjithashtu mund të përfitojnë nga një alternativë me bazë bimore, dhe Dr Natasha thekson se “qumështi i sojës gjithashtu përmban elektrolite, të cilat ndihmojnë në rihidratimin e mëtejshëm”.

Krahas qumështit, ajo rekomandon shalqinj, ujin e kokosit, kastravecat ose lëngun e kastravecit dhe lëngjet e frutave të freskëta të holluara me ujë për të ndihmuar të qëndroni të freskët. /Telegrafi/