Lufta e Tretë Botërore është e mundur brenda pesë viteve të ardhshme, thotë komandanti britanik

Ish-shefi i Shtabit të Ushtrisë Britanike, gjenerali Sir Patrick Sanders, i cili e mbajti këtë post deri në muajin e kaluar, tha se bota po përballet me një luftë të mundshme të tretë botërore.

Ai paralajmëroi anëtarët e NATO-s se bota po përballet me “momentin më të rrezikshëm që nga viti 1945” dhe u bëri thirrje anëtarëve të investojnë më shumë në armatim.

Ai tha për Times se Rusia, Kina dhe Irani ishin “fuqitë e reja të Boshtit” dhe se një luftë e tretë botërore mund të shpërthejë në pesë vitet e ardhshme nëse diçka nuk bëhet.

Lexo po ashtu Pasi tha se njerëzit duhet të përgatiten për luftë me Rusinë, ushtaraku i lartë i NATO-s: Kosova dhe Ballkani nuk duhet të presin që gjithçka të bëjë aleanca

Ushtaraku pretendon se ato vende përfaqësojnë një kërcënim më të madh se nazistët në vitin 1939, shkruan skynews.

“Ato janë më të ndërvarura dhe më të koordinuara se sa ishin fuqitë fillestare të Boshtit”, tha Sanders.

Por, një ekspert ushtarak tha se nuk kishte nevojë për konflikt nëse anëtarët e NATO-s, përfshirë Britaninë, përmirësonin ndjeshëm armët e tyre.

“Shumica e vlerësimeve do t’ju tregojnë se ne kemi diku midis pesë dhe 10 vjet përpara se Rusia të rikapitalizohet dhe mund të përbëjë kërcënimin që kishte para luftës në Ukrainë”, tha Sir Patrick. /Telegrafi/