Dua Lipa më në fund pas tri vitesh merr leje nga Komuna e Londrës për të rinovuar bodrumin në shtëpinë e saj milionëshe

Dua Lipa po rinovon bodrumin e shtëpisë së saj luksoze në Londër, pas një beteje të gjatë me komunën.

Nga fotografitë që ka siguruar tabloidi britanik The Sun, këngëtarja shihet duke transformuar plotësisht vendin dhe ka filluar tashmë gërmimet nën shtëpi dhe shkatërrimin e katit të parë.

Ylli i muzikës e bleu pronën për 6.75 milionë funte (7.95 milionë euro) në Londër në janar të vitit 2020 – por mendohet se nuk ka hyrë asnjëherë në të.

Në tetor 2021, Dua aplikoi në komunën lokale për një zgjatje në katin e parë dhe një bodrum me studio muzikore, pishinë, palestër, kinema dhe zonë relaksi.

Në mars të këtij viti, komuna më në fund dha dritën e gjelbër – por vendosi kushte të rrepta sipas një marrëveshjeje të Seksionit 106 pasi ndërtimi do të kishte një ndikim kaq të rëndësishëm mbi banorët lokalë.

Kjo ndodhi pas ankesave nga një grup ruajtës lokal që bllokoi aplikimin duke u ankuar për “humbjen e hapësirës së gjelbër”, “humbjen e pemëve” dhe “probleme me kanalizimin”.

Pra, ekipi i dizajnit të Duas ra dakord të ndërtojë një kopsht të fshehur me biodiversitet mbi bodrumin për ta bërë atë të shkrihet në kopshtin ekzistues, i cili do të sigurojë ushqim dhe habitat për jetën e egër lokale.

Komuna gjithashtu ka insistuar që zhurma të mbahet në minimum dhe “të jetë më e ulët se niveli tipik i zhurmës ekzistuese të sfondit me të paktën 10 decibel”, duke deklaruar se të gjitha makineritë dhe pajisjet duhet të montohen me “izolatorë kundër dridhjeve”.

Ajo duhej të kishte një raport zhurme për pishinën, i cili thotë se nëse aplikimi i saj është i suksesshëm atëherë zhurma nga dhoma e motorëve të pishinës nuk mund të jetë më e lartë se 28 decibel, që është përafërsisht zhurma e dikujt që pëshpërit lehtë (25 decibel).

Dua është mësuar me pengesa me aplikimin, pasi duhej të bënte tri raporte hetimi të thelluara për të vlerësuar dëmin që një bodrum mund të bëjë në pronat e fqinjëve, si p.sh. ulja e tokës, dhe një vlerësim të rrezikut nga përmbytjet, pasi bodrumet klasifikohen si “shumë të ndjeshme”.

Ky zhvillim vjen pak kohë pas performancës epike të Duas në festivalin Glastonbury, ku ajo shkëlqeu me një paraqitje ku kishte vendosur diamantë nga “Tiffany and Co” në vlerë mbi 300 mijë funte.

Ajo e filloi setin e saj të interpretimit në “Pyramid Stage” të premten e kaluar, ku kishte vendosur tre gjerdanë që kushtonin nga 79,000 funte (93 mijë euro) secili, përpara se të festonte me bizhuteri me vlerë 42,000 funte (49 mijë euro) në zonat VIP të festivalit.

Ajo u pa në të gjithë vendin e festivalit me të dashurin e saj Callum Turner, por prania e saj kaloi kryesisht pa u vënë re nga pjesëmarrësit.

Ndërkohë, Dua reagoi ndaj akuzave se ajo thjeshtë “lëvizi buzët” për të kënduar disa nga tekstet e saj gjatë setit të saj mahnitës – duke kthyer një përgjigje me tre fjalë.

Pas performancës së saj në Glastonbury, Dua njoftoi lëvizjen e saj të madhe të ardhshme.

The Sun zbuloi se ajo do të mbajë shfaqjen më të madhe të saj ndonjëherë në Stadiumin “Wembley”në qershorin e ardhshëm, duke ndjekur gjurmët e yjeve të mëdhenj të popit si Taylor Swift dhe Madonna.

Ajo do të performojë këngët e albumit të saj të ri “Radical Optimism”, me bileta të parakohshme të disponueshme për përdoruesit e O2 dhe Virgin Media.

“Turneu i saj i fundit ishte pothuajse i shitur, por ishte një turne në arena. Të bësh kalimin në stadiume është mahnitëse, sidomos kur ajo është vetëm në albumin e saj të tretë”, tha një burim pranë saj.

“Po duket se ajo do të performojë një datë në Wembley në qershor dhe një turne të plotë në të gjithë Amerikën. Do të jetë një moment mjaft emocional, sidomos pasi Dua ka punuar drejt diçkaje të tillë që kur u transferua në Londër (nga Kosova e saj amtare) në moshën vetëm 15 vjeçare”.

“Ajo tani jeton vetëm disa milje larg nga stadiumi, kështu që do të jetë me të vërtetë një moment kthimi në shtëpi për të”, theksoi burimi pranë saj. /Telegrafi/