Klubi dhe kombëtarja e Iranit përjashtojnë portierin nga ekipi vetëm se përqafoi një femër pa hixhab

Një klub iranian thuhet se ka ndarë rrugët me portierin e tyre pasi ai përqafoi një tifoze femër, e cila po ndiqej nga sigurimi për mosmbajtjen e hixhabit të detyrueshëm.

Siç u raportua në prill, Hossein Hosseini, u tha se u dënua me një ndeshje dhe u gjobit me katër mijë euro nga federata iraniane e futbollit pasi portieri i Esteghlal përqafoi një tifoze që u fut në fushë.

Hixhabet, ose shamitë, kanë qenë të detyrueshme për gratë në Iran që nga revolucioni i vitit 1979, duke zbatuar atë që konsiderohet nga shumë gra myslimane në mbarë botën si një çështje zgjedhjeje.

Pamjet treguan momentin kur tifozja u fut në fushë me flokët e saj të dukshme, ku u ndalua nga sigurimi. Hosseini e përqafoi për pak kohë për të qetësuar situatën përpara se ai të largohej dhe siguria t’i largonte me shpejtësi të dy nga fusha.

Faqja iraniane e lajmeve Tabnak, sipas Iranwire, tani ka raportuar se klubi i tij ka ndarë rrugët me të.

Hosseini, i cili ka bërë 11 paraqitje për Iranin, u përjashtua gjithashtu nga skuadra prej 26 lojtarësh e ekipit kombëtar për kualifikimet e Kupës së Botës kundër Hong Kongut dhe Uzbekistanit këtë muaj. /Telegrafi/