Mbahet ligjeratë për hipertensionin dhe diabetin në qëndrimin ditor në Novosellë

Është mbajtur ligjëratë për moshat e treta në qëndrimin ditor në Novosellë për hipertensionin dhe diabetin, i cili është në kuadër të projektit AGE+, i mundësuar nga Syri i Vizionit në bashkëpunim me komunën e Pejës.

Kjo ligjëratë shëndetësore iu mundëson kësaj kategorie të bashkësisë lokale të Radacit një informim më të thellë rreth këtyre sëmundjeve të cilat vijnë si pasojë e moskujdesit të duhur.

Në prezencën e mjekut familjarë, kjo ligjëratë zgjoi interesim tek banorët të cilët patën rastin edhe të bëjnë matjet me tensiometër dhe të dinë vlerat e diabetit në gjak të cilat u mundësuan gjatë këtij aktiviteti.

Për organizatën e shoqërisë civile, Syri i Vizonit, këto aktivitete shëndetësore janë mjaft të rëndësishme sidomos për moshën më të shtyrë.

Sipas Fjolla Avdylit, kjo ligjëratë është arritur edhe falë bashkëpunimit me qendrat familjare të cilët kanë mundësuar marrjen e një mjeku i cili do të jetë në gatishmëri për të ligjëruar.

“Ligjërata më shumë ka të bëjë me marrjen e një mjeku familjar të një komuniteti ku jetojnë kryesisht që është person i besueshëm dhe i ngritur te ta dhe ligjëron për një temë që moshat e treta kanë nevojë siç është hipertensioni dhe diabeti, sot është folur për hipertensionin”, ka thënë Avdyli për Telegrafin.

Ajo gjithashtu ka theksuar qëndrimi ditor ofron të të gjitha kushtet e nevojshme dhe posedon mjetet shëndetësore siç janë tensiometer dhe glikomentri në çdo kohë, për banorët e këtyre zonave.

“Në këtë qendër janë të pajisur me tensiometër dhe glikometër, në momentin që ata kanë dëshirë ose kanë ndonjë shqetësim lirisht munden me ardhë dhe ta heqin atë shqetësim”, është shprehur ajo.

Hapja e kësaj qendre është realizuar në kuadër të programit “Ndërtimi i komuniteteve miqësore për të moshuarit nëpërmjet veprimit ndër breza në Kosovë – AGE+” i cili financohet nga Volkshilfe Solidaritat dhe Agjensioni Austriak për Zhvillim dhe zbatohet nga organizata Syri i Vizionit. /Telegrafi/