Rita Ora pozon në fshat, sjell koleksionin e ri të “Primark”

Rita Ora, e veshur me bikini, tregoi figurën e saj mbresëlënëse trupore në një set fotografik të guximshëm ndërsa zbuloi koleksionin e saj të ri veror me “Primark”.

Këngëtarja 33-vjeçare, tregoi trupin e saj të mahnitshëm në imazhet që “përqafojnë” stilin e sezonit të festivaleve verore, shkruan DailyMail.

Në një nga veshjet, Rita shfaq abdomenin e saj të tonifikuar ndërsa vishet me një palë bikini të gjelbra të shkëlqyeshme së bashku me një palë pantallona të shkurtra xhinse.

Interpretuesja e hitit “Ask And You Shall Receive” veshi gjithashtu një kardigan të gjatë ngjyrë bezhë dhe një palë këpucë të hapura të zeza ndërsa pozonte në një fushë.

Për një pamje tjetër, ylli i la pak vend për imagjinatën ndërsa vishej me një fustan të tejdukshëm me print të artë në formë rrjete.

Rita gjithashtu veshi një fustan të zi të shkurtër pa mëngë me një qafë të ulët të mbështjellë me një rrip të trashë të artë.

Ajo dukej e jashtëzakonshme në një fotografi tjetër ku u shfaq e veshur me këmishë me print lulesh dhe e kombinoi me një fund të zi të thjeshtë dhe një xhaketë.

Për një pamje më të rastësishme, Rita shfaqi këmbët e tonifikuara në një palë pantallona të errëta të shkurtra me një bluzë pa mëngë dhe çizme të zeza në kyçin e këmbës.

Duke komentuar mbi koleksionin, Rita tha: “Jam shumë e emocionuar të njoftoj hapin tjetër të udhëtimit tim me ‘Primark’ me nisjen e një koleksioni të frymëzuar nga festivali për verën. Bizhuteritë janë një mënyrë kaq e lehtë dhe efektive për të ngritur një veshje dhe kështu i kemi bërë ato një element kyç të këtij koleksioni, me kokorin e argjendtë që është një nga artikujt e mi të preferuar”.

“Xhinset ka qenë një element themelor gjatë koleksioneve tona dhe gjithmonë ka qenë një nga të preferuarat e mia personale, me këtë koleksion që përfshin pantallona të shkurtra dhe funde në një larmi gjatësish. Nuk mund të pres të shoh se si njerëzit do të stilizojnë këtë gamë dhe shpresoj se ata do ta duan po aq sa unë”, tha Rita. /Telegrafi/