Aspark SP600 arrin një shpejtësi maksimale prej 438 km/h, duke mposhtur kështu rekordin e bishës kroate

Ishte vetëm çështje kohe para se një tjetër hiperveturë elektrike të sfidonte Rimac Nevera.

Një markë më pak e njohur tani ka mposhtur bishën kroate.

Aspark i Japonisë me një SP600 të ri arriti një shpejtësi prej 438.7 km/h, duke mposhtur kështu rekordin e Neveras për vetëm 26 km/h, përcjell Telegrafi.

I prodhuar në Itali nga Manifattura Automobili Torino, Aspark SP600 rekordin e theu në pistën gjermane Papenburg, e cila konsiderohet vendi i duhur për të testuar aftësitë e një hiperveture.

Bëhet e ditur se pas timonit të “mbretit të ri të shpejtësisë” ishte Marc Basseng, shoferi 45-vjeçar gjerman i garave.

Detajet rreth veturës nuk janë bërë të ditura, por ajo është përshkruar si një prototip me qëllim prodhimi i pajisur me goma Bridgestone Potenza Race.

Mungesa e pasqyrave anësore për të zhbllokuar më shumë shpejtësi na tregon qartë se nuk është një mjet i ligjshëm në rrugë.

M.A.T. e projektoi dhe ndërtoi këtë model në shtëpi në Torino, Itali, ku edhe iu nënshtrua testeve virtuale dhe fizike.

Megjithëse SP600 është më i shpejtë se një Bugatti Veyron Super Sport, ai ende mbetet prapa Chiron Super Sport. /Telegrafi/