Gjiko publikon “Baby Shark”, bashkëpunimin me djalin e tij pesë vjeçar Zëri

Reperi i njohur Gjiko ka vendosur të sjellë një energji të re dhe të veçantë në skenën e muzikës me publikimin e këngës së tij më të re, në bashkëpunim me një mik të veçantë – djalin e tij pesë-vjeçar, Zëri.

Kënga, e titulluar ‘Baby Shark’, është projekt i realizuar nga producenti i njohur Big Bang në studion e tij, Redbox Entertainment, ndërsa teksti është shkruar nga vet Gjiko.

Një bashkëpunim i tillë ndërmjet një reperi me famë dhe një fëmije kaq të ri nuk është diçka që dëgjohet shpesh në industrinë muzikore, veçanërisht në sferën e hip-hopit, e cila shpeshherë është karakterizuar nga motive më të rrepta dhe tematika të rënda.

Megjithatë, Gjiko dhe Zëri kanë thyer këto kufij dhe kanë sjellë një frymë loje dhe gëzimi, që pasqyron lidhjen e tyre dhe gëzimin e qenësishëm të ndarjes së pasionit të tyre për muzikën.

Gjiko, i cili ka një histori të gjatë suksesi në skenën shqiptare, tani po hap rrugën edhe për brezin e ardhshëm, duke inkurajuar dhe investuar në talentin e djemve të rinj si Zëri.

Me ‘Baby Shark’, Gjiko tregon se ky është vetëm fillimi i një aventurë të re në karrierën e tij dhe një hap i guximshëm në zgjerimin e repertorit të tij artistik. /Telegrafi/