Presidentja e Kosovës, Vjosa Osmani në seancën solemne të Kuvendit të Kosovës për nder të 25 vjetorit të çlirimit, u shpreh kur forcat e NATO-s shkelën në tokën tonë, ata nuk ishin vetëm ushtarë ata ishin shpëtimtarë.
Osmani tha se ata sollën me vete premtimin e lirisë, sigurinë se bota nuk kishte harruar për popullin e Kosovës dhe vendosmërinë për ti dhënë fund mizorive të kryera kundër popullit tonë.
“Hyrja e NATO-s në Kosovë ishte dëshmi e fuqisë së solidaritetit ndërkombëtar. Liria është më shumë sesa fjalë, është thelbi i qenies tonë, ajri që e thithim, ëndrra që guxuam ta ëndërrojmë dhe e ardhmja që aspiruam dhe për të cilën luftuan dhe dhanë jetën çlirimtarët tanë. Hyrja e NATO-s nuk ishte thjeshtë fitore ushtarake dhe kapitullim i Serbisë Millosheviqiane, ishte triumf i shpirtit njerëzor mbi tiraninë”, tha Osmani.
Ajo shtoi se NATO në vitin 99 na dha mbështetjen përfundimtare për lirinë tonë, “ndaj ne sot synojmë dhe e meritojmë anëtarësimin në këtë organizatë ushtarake”.
Presidentja shtoi se zhurma e helikopterëve të NATO-s, uniformat me flamujt të shumtë, flamuj që simbolizonin lirinë e jo urrejtjen e dhunën, u shndërruan në simbol të shpëtimit të popullit të Kosovës nga shfarosja që synonte regjimi gjenocidal i Serbisë, duke larguar makinerinë gjenocidale të Millosheviqit, të turpëruar të kapitulluar, e tillë ajo mbetet edhe sot.
“Në qershor 1999 muret e tiranisë u shembën. Mbi 38 mijë ushtarë nga 36 vende komunikuan me gjuhën universale të lirisë. Atë ditë Evropa lindi në një Prishtinë të lirë”, tha Osmani.
Osmani tutje shtoi se do ta kujtojmë përherë rezistencën e presidentit Rugova për liri e pavarësi dhe aleancat e fuqishme që ai i ndërtoi së bashku me shumë e shumë veprimtarë të tjerë që i gëzojmë edhe sot.
“Do ta kujtojmë heroizmin e komandantit Adem Jashari dhe familjes Jashari. Do të jetojmë me kujtimin e të gjithë dëshmorëve të UCK-së dhe mbi 13 mijë të vrarë gjatë luftës në mesin e të cilëve 1133 fëmijë të vrarë vetëm në luftën e fundit në Kosovë”, theksoi presidentja.
Presidentja u shpreh se liria është e drejtë që edhe pasi të jetë arritur duhet mbrojtur dhe ruajtur me çdo kusht dhe me çdo çmim.
“Kjo na kujton se aleancat dhe partneriteti me shtetet janë po aq determinuese për ta garantuar e mbajtur lirinë e fituar duke mos e marrë asnjëherë si të mirëqenë”, tha Osmani. /Telegrafi/
Lufta Prigozhin - Putin
Më shumëNga Rubrika
Delegacioni serb largohet nga konferenca rajonale, pasi delegacioni i Kosovës përmendi sulmin terrorist në Banjskë
Zvarritja e punimeve dhe rruga përplot gropa, dëmtojnë automjetet dhe krijojnë kolona të gjata në magjistralen Prishtinë-Podujevë
Shkupi dhe Tetova sërish kaplohen nga reshjet e shiut
Një i vdekur dhe 14 të lënduar në aksidentin mes autobusit dhe veturës në Keqekollë të Prishtinës
Parlamenti i Spanjës nuk mbështet iniciativën e partisë katalunase “Junts” për njohjen e shtetit të Kosovës, 293 deputetë votuan kundër
Policia identifikoi kamera vëzhguese të kamufluara për monitorim të lëvizjes së qytetarëve dhe institucioneve të Kosovës në veri
Ish-kryetari i Gjykatës së Apelit: Qeveria me Ligjin për Byronë tentoi kapjen e sistemit të drejtësisë
Plazhet e Vlorës thuajse bosh e larg pritshmërive, fundjava mbetet e vetmja shpresë
Nga sot Gjermania e njeh dyshtetësinë, kosovarët mund t'i mbajnë të dyjat
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Faza e eliminimit direkt në Euro 2024: Kompletohen çiftet, mësohet orari
Pse nuk u takua me Vuçiqin dhe a kanë vdekur marrëveshjet e Brukselit dhe Ohrit? - krejt çka tha Kurti pas takimit në Bruksel
Grusht shteti në Bolivi? Ushtarët sulmojnë pallatin presidencial, presidenti kërkon që të respektohet demokracia
Mburrej me të pasmet e saj 27-milionëdollarëshe: Besohet se trupi i saj nuk ka asnjë të metë, megjithatë realiteti është ndryshe
Hungaria priti tri ditë për tu eliminuar nga Euro 2024, Kroacia e treta më e dobët
Tifozët belgë filluan ta shanin, De Bruyne u hakmerret menjëherë