Greqia po kalon një valë të hershme të të nxehtit, temperaturat pritet të kalojnë 40 gradë Celsius

Banorët e Greqisë po kalojnë një valë të nxehti treditor që ka nisur sot, me temperatura që pritet të kalojnë 40 gradë Celsius.

Piku i valës së të nxehtit pritet të mërkurën dhe të enjten ndërsa qytetarët paralajmërohen për rrezik të lartë.

Meteorologët për këtë javë kanë paralajmëruar se temperaturat mund të arrijnë deri në 43 gradë Celsius, raportojnë mediat.

“I nxehti nuk është i rrallë në vendin tonë, por ato tradicionalisht ndodhin në korrik dhe gusht. Valët e të nxehtit të muajit qershor janë veçanërisht të pazakonta dhe mund të karakterizohen si valë të nxehta ‘të hershme'”, thonë shkencëtarët nga Observatori Kombëtar në Athinë.

Kryqi i Kuq Grek këshillon njerëzit që të qëndrojnë larg diellit, të pinë shumë lëngje dhe të ushqehen lehtë dhe të kenë kujdes të veçantë për të moshuarit.

Për shkak të këtij parashikimi, disa shkolla kanë vendosur të mbyllin dyert ose të ndryshojnë punën.

Ministria e Brendshme greke ka rekomanduar që nëpunësit civilë që i përkasin grupeve të rrezikuara shëndetësore të punojnë në shtëpi të paktën deri të enjten.

Sipas rekomandimeve, punonjësit që normalisht punojnë jashtë duhet të shmangin punën në orët më të nxehta të ditës – nga pasditja deri në 17:00.

Verën e kaluar në Gytheio të Greqisë u regjistrua një temperaturë rekord prej 46.4 gradë Celsius. /Telegrafi/