Eci në një litar në një lartësi prej 160 metrash në Los Angeles – shikoni çfarë ndodhi në fund të rrugëtimit

Ben Schneider, i njohur më mirë me pseudonimin “Ben i pamatur”, rrezikoi jetën pasi eci në një litar të shtrënguar – i lidhur midis dy rrokaqiejve në Los Angeles.

Bëhet fjalë për kompleksin luksoz të papërfunduar Oceanwide Plaza, i cili sot është bosh, i “zbukuruar” me grafite të shumta.

Mjafton të shikoni disa video në rrjetet sociale dhe do të kuptoni se 28-vjeçari është “i varur nga adrenalina”.

Duke përshkruar “sipërmarrjen” e fundit, e cila i ngrin gjakun në venat një njeriu të zakonshëm, ai tha “ishte e frikshme. Por unë qëndrova i fokusuar. Kur frikësoheni, filloni të dridheni dhe më pas mund të bini. Nuk doja që kjo të ndodhte. Më duhej të qetësoja mendjen”.

Ai gjithashtu shpjegoi se si arriti të futej në kompleksin Oceanwide Plaza pa u vënë re “një grup miqsh pretendonin të ishin pjesë e një kulti fetar. Mbanim pankarta të ndryshme, të cilat i përdornim për të bllokuar shikimin e policëve. Atëherë u hodhëm mbi gardh”.

I riu kishte vendosur rripin e sigurisë gjatë akrobacisë dhe e ka kaluar litarin për më pak se dy minuta, transmeton upi.com.

Policia tha se është duke hetuar rastin, por mbetet e paqartë nëse Ben do të akuzohet. /Telegrafi/