Përse Dua Lipa u detyrua të ndryshonte koreografinë për turneun e “Future Nostalgia”

Koreografia për një nga turnetë e Dua Lipës u bë pak më ndryshe nga sa pritej.

Në një intervistë të fundit me “The Morning Mash Up” të Sirius XM, ylli i popit, 28 vjeçe, zbuloi se ishte e detyruar të ndryshonte koreografinë për turneun e saj “Future Nostalgia”.

“Unë isha në turneun tim, një herë në Barcelonë, një herë në Milano në të njëjtin vend, dhe ishte java më e nxehtë në Evropë”, filloi Lipa.

Ajo vazhdoi: “Dhe kështu disa nga kërcimtarët e mi po djersiteshin pak më tepër. Dhe kështu unë rrëshqita mbi një pellg të vogël djerse dhe na u desh të ndryshonim koreografinë që të mos përsëritej një situatë e tillë”.

Lexo po ashtu Të gjitha lajmet nga Dua Lipa

Lipa vuri në dukje se aksidente të tilla janë “të gjitha pjesë e përvojës” gjatë turneut.

Artistja “Don’t Start Now” publikoi albumin e saj të tretë në studio, “Radical Optimism”, të premten, më 3 maj.

Lipa do të nisë turneun e saj “Radical Optimism” të mërkurën, më 5 qershor në Berlin, përpara se të niset në qytete si Lisbona, Madridi dhe Londra. /Telegrafi/